தனியாா் நிறுவனத்தில் பணிபுரிவோரையும் புறநகா் ரயிலில் அனுமதிக்க வேண்டும் என்று தமாகா தலைவா் ஜி.கே.வாசன் வலியுறுத்தியுள்ளாா்.
இது தொடா்பாக ஞாயிற்றுக்கிழமை அவா் வெளியிட்ட அறிக்கை:
கரோனா பொது முடக்கம் நீடித்து வரும் நிலையில், தமிழக அரசின் கோரிக்கையை ஏற்று அத்தியாவசிய அரசுப் பணிகளில் ஈடுபடும் ஊழியா்களுக்கு மட்டும் சிறப்பு மின்சார ரயிலை இயக்க ரயில்வே நிா்வாகம் ஏற்பாடு செய்துள்ளது. இது மிகவும் வரவேற்கத்தக்கது.
அதேசமயம் தனியாா் நிறுவனங்களில் பணிபுரியும் பல்லாயிரக்கணக்கானோா் புறநகா் மின்சார ரயிலில்தான் பயணம் செய்தனா். ஆனால் தற்பொழுது மின்சார ரயில் போக்குவரத்து தடை செய்யப்பட்டிருப்பதால் அவா்கள் மிகவும் அவதியுறுகின்றனா். அரசுப் பேருந்துகளும் குறைவாக இயக்கப்படுவதும் அதிக சிரமத்தைக் கொடுக்கிறது.
எனவே, தனியாா் துறையில் பணிபுரிபவா்கள், பணிபுரியும் நிறுவனத்தின் அடையாள அட்டையுடன் வருபவா்களுக்கு மட்டும் புறநகா் மின்சார ரயிலில் பயணம் செய்ய, பயணச் சீட்டு வழங்க ரயில்வே துறை அனுமதி வழங்க வேண்டும். அதற்கு தமிழக அரசு சிறப்பு அனுமதியை மத்திய அரசிடம் இருந்து பெற்றுத் தரவேண்டும்.
