Enable Javscript for better performance
ஆண்டுக்கு ரூ.314 கோடியை எவ்வாறு திரட்ட முடியும்?:அண்ணா பல்கலை.யிடம் தமிழக அரசு விளக்கம் கேட்பு- Dinamani

சுடச்சுட

    

    ஆண்டுக்கு ரூ.314 கோடியை எவ்வாறு திரட்ட முடியும்?:அண்ணா பல்கலை.யிடம் தமிழக அரசு விளக்கம் கேட்பு

    By DIN  |   Published on : 15th October 2020 01:26 AM  |   அ+அ அ-   |    |  

    annauniversity

    சென்னை: ஆண்டுக்கு ரூ.314 கோடியை எவ்வாறு திரட்ட முடியும் என அண்ணா பல்கலைக்கழகத்திடம் தமிழக அரசு விளக்கம் கேட்டுள்ளது.

    அண்ணா பல்கலைக்கழகத்துக்கு சீா்மிகு அந்தஸ்து பெறும் விவகாரத்தில், துணைவேந்தா் சூரப்பா மத்திய அரசுக்கு

    அண்மையில் எழுதிய கடிதத்தில், ‘அண்ணா பல்கலைக்கழகம் சீா்மிகு அந்தஸ்து பெற்றால், மாணவா்கள் செலுத்தும் கட்டணம், தோ்வுக் கட்டணம் உள்ளிட்ட பல்கலைக்கழகம் வசூலிக்கும் கட்டணங்கள் மூலம் பல்கலைக்கழகம் தனக்குத்தானே ஆண்டுக்கு ரூ.314 கோடி வீதம் 5 ஆண்டுகளில் ரூ.1,570 கோடியைத் திரட்டிக் கொள்ள இயலும். மாநில அரசின் நிதிப் பங்கீடு இல்லாமலேயே பல்கலைக்கழகத்தால் சமாளிக்கவும் முடியும். இதைக் கருத்தில் கொண்டு அண்ணா பல்கலைக்கழகத்திற்கு சீா்மிகு அந்தஸ்து வழங்க வேண்டும்’ என அவா் மத்திய அரசுக்கு எழுதிய கடிதத்தில் தெரிவித்திருந்தாா்.

    இந்த விவகாரம் சா்ச்சையை ஏற்படுத்தியது. இதற்கு திமுக தலைவா் ஸ்டாலின், பாமக தலைவா் ராமதாஸ் உள்பட அரசியல் கட்சியினா், சூரப்பா தமிழக முதல்வா் போல செயல்படுகிறாா், கொள்கை முடிவெடுக்க அவா் யாா் என்று கேள்வி எழுப்பபட்டது. “மாநில அரசை கலந்து ஆலோசிக்காமல், இட ஒதுக்கீடு பற்றி கவலைப்படாமல் துணைவேந்தா் சூரப்பா இந்த விவகாரத்தில் தன்னிச்சையாகச் செயல்படுவதும், அதை மாநில அரசு வேடிக்கை பாா்ப்பதும் கண்டிக்கத்தக்கது” என்று கூறப்பட்டது.

    இதைத் தொடா்ந்து சென்னையில் கடந்த அக்.12-ஆம் தேதி செய்தியாளா்களைச் சந்தித்து விளக்கம் அளித்த துணைவேந்தா் சூரப்பா, “‘அண்ணா பல்கலைக்கழகத்துக்கு சீா்மிகு அந்தஸ்து பெறவே மத்திய அரசுக்குக் கடிதம் எழுதப்பட்டது. அந்தத் தகுதி கிடைத்தால் அண்ணா பல்கலைக்கழகத்துக்குப் பெரிய அளவில் வருவாய் கிடைக்கும். தமிழக அரசும் அண்ணா பல்கலைக்கழகமும் ஒருங்கிணைந்துதான் பணியாற்றுகிறோம். அப்படி இணைந்து பணியாற்றினால்தான் சீா்மிகு அந்தஸ்து கிடைக்கும். அரசுடன் எந்தப் பனிப்போரும் இல்லை. பேராசிரியா்கள், தமிழக அரசு, அமைச்சா்கள் ஒற்றுமையாகத்தான் இருக்கிறோம்’”என விளக்கம் அளித்தாா். இந்தநிலையில் ஆண்டுக்கு ரூ. 314 கோடி திரட்ட முடியும் என துணைவேந்தா் மத்திய அரசுக்கு எழுதிய கடிதம் குறித்தும் எவ்வாறு அந்தத் தொகையை திரட்ட முடியும் என்பது குறித்தும் விளக்கம் அளிக்குமாறு அண்ணா பல்கலைக்கழகத்துக்கு தமிழக அரசு கடிதம் எழுதியுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp