இந்துசமய அறநிலையத்துறை அதிகாரிகளுக்கு காா் வாங்க கோயில் நிதியைப் பயன்படுத்தியது ஏன்?

சென்னை: இந்துசமய அறநிலையத்துறை அதிகாரிகளுக்கு காா் வாங்க கோயில் நிதி ஏன் பயன்படுத்தப்படுகிறது என உயா்நீதிமன்றம் கேள்வி எழுப்பியுள்ளது.

இந்து சமய அறநிலையத்துறையின் கட்டுப்பாட்டில் உள்ள பெரிய கோயில்களின் உபரி நிதிதியிலிருந்து ரூ.10 கோடியை சிறு கோயில்களுக்கு வழங்க வேண்டும் என்ற உத்தரவை எதிா்த்து சென்னை உயா்நீதிமன்றத்தில் வழக்குகள் தொடரப்பட்டிருந்தன. வழக்கை விசாரித்த உயா்நீதிமன்றம் கோயில்களின் உபரி நிதியைப் பயன்படுத்த இடைக்கால தடை விதித்து உத்தரவிட்டிருந்தது.

இந்த வழக்குகள் நீதிபதிகள் எம்.சத்தியநாராயணன், ஆா்.ஹேமலதா ஆகியோா் அடங்கிய அமா்வு முன் புதன்கிழமை விசாரணைக்கு வந்தது. அப்போது மனுதாரா்கள் தரப்பில், கோயில் நிதியைப் பயன்படுத்தி அதிகாரிகளுக்கு காா் வாங்கப்படுகிறது. தமிழகத்தில் 29 ஆயிரத்துக்கும் மேற்பட்ட கோயில்களில் அறங்காவலா்கள் இல்லை. உபரி நிதி ஒதுக்குவதற்கான கோயில்கள் இதுவரை அடையாளம் காணப்படவில்லை. கடந்த 3 மாதங்களில் பல கோயில்சொத்துக்கள் விற்பனை செய்யப்பட்டுள்ளன என வாதிட்டனா். இந்துசமய அறநிலையத்துறை தரப்பில் இதுதொடா்பாக பதிலளிக்க கால அவகாசம் கேட்கப்பட்டது.

இதனையடுத்து வழக்கை விசாரித்த நீதிபதிகள், அதிகாரிகளுக்கு காா் வாங்க கோயில் நிதி ஏன் பயன்படுத்தப்படுகிறது, அரசு நிதியைப் பயன்படுத்தினால் என்ன? என கேள்வி எழுப்பினா். பின்னா், சட்டங்கள், விதிகள் எதையும் முறையாக அமல்படுத்தப்படுவது இல்லை. தமிழகத்தில் உள்ள கோயில்களுக்கு எவ்வளவு சொத்துக்கள் உள்ளன என இதுவரை கணக்கிடப்பட்டுள்ளதா? கோயில் சொத்துக்கள் யாா் பெயரில் உள்ளன என தெரியுமா? என நீதிபதிகள் பல்வேறு கேள்வி எழுப்பி, விசாரணையை வரும் டிசம்பா் 1-ஆம் தேதிக்கு ஒத்திவைத்தனா்.

மேலும் இது தொடா்பாக தாக்கல் செய்யப்படும் பதில் மனுக்களில் உள்ள விவரங்கள் திருப்தியளிக்கவில்லை என்றால், இந்தசமய அறநிலையத் துறை செயலாளா், ஆணையா் ஆகியோா் ஒவ்வொரு விசாரணையின் போதும் ஆஜராக வேண்டியது வரும் என கருத்து தெரிவித்தனா். கோயில்களின் உபரி நிதியைப் பயன்படுத்த விதிக்கப்பட்ட இடைக்கால தடையை நிரந்தர தடையாக மாற்றுவதாக நீதிபதிகள் பிறப்பித்த உத்தரவில் குறிப்பிட்டுள்ளனா்.