தாயாா் மறைவு: முதல்வா் பழனிசாமிக்கு கட்சித் தலைவா்கள், முக்கிய பிரமுகா்கள் ஆறுதல்

முதல்வா் எடப்பாடி கே.பழனிசாமியின் தாயாா் மறைவுக்கு இரண்டாவது நாளாக கட்சித் தலைவா்கள், முக்கிய பிரமுகா்கள் நேரில் சென்று ஆறுதல் தெரிவித்தனா்.
முதல்வர் எடப்பாடி பழனிசாமியின் தாயார் தவுசாயம்மாள் உருவப்படத்துக்கு மலர் தூவி செவ்வாய்க்கிழமை மரியாதை செலுத்திய தி நியூ இந்தியன் எக்ஸ்பிரஸ் குழுமத்தின் தலைவர் மற்றும் மேலாண் இயக்குநர் மனோஜ் குமார்.
முதல்வர் எடப்பாடி பழனிசாமியின் தாயார் தவுசாயம்மாள் உருவப்படத்துக்கு மலர் தூவி செவ்வாய்க்கிழமை மரியாதை செலுத்திய தி நியூ இந்தியன் எக்ஸ்பிரஸ் குழுமத்தின் தலைவர் மற்றும் மேலாண் இயக்குநர் மனோஜ் குமார்.

முதல்வா் எடப்பாடி கே.பழனிசாமியின் தாயாா் மறைவுக்கு இரண்டாவது நாளாக கட்சித் தலைவா்கள், முக்கிய பிரமுகா்கள் நேரில் சென்று ஆறுதல் தெரிவித்தனா். அவா்கள் சென்னையில் உள்ள முதல்வரின் முகாம் அலுவலகத்தில் வைக்கப்பட்டிருந்த அவரது தாயாா் தவுசாயம்மாள் உருவப் படத்துக்கு மலா் தூவி மரியாதை செலுத்தினா்.

முதல்வா் எடப்பாடி கே.பழனிசாமியின் தாயாா் தவுசாயம்மாள் கடந்த வாரம் சேலத்தில் உள்ள சிலுவம்பாளையத்தில் காலமானாா். இறுதிச் சடங்கு நிகழ்வுகள் நடந்த நிலையில், சென்னையில் உள்ள முதல்வரின் முகாம் அலுவலகத்தில் உருவப் படத்துக்கு மலா் தூவி மரியாதை செலுத்தும் நிகழ்வு செவ்வாய்க்கிழமையும் நடைபெற்றது. தமிழ்நாடு காங்கிரஸ் கமிட்டி தலைவா் கே.எஸ்.அழகிரி, விடுதலைச் சிறுத்தைகள் கட்சித் தலைவா் தொல். திருமாவளவன், மதிமுக பொதுச் செயலாளா் வைகோ, பாஜக மூத்த தலைவா் இல.கணேசன், மக்களவை உறுப்பினா் நவாஸ் கனி, சட்டப் பேரவை உறுப்பினா்கள் எம்.தமிமுன் அன்சாரி, கே.ஏ.எம்.முகம்மது அபுபக்கா், இந்திய கம்யூனிஸ்ட் கட்சியின் மாநிலச் செயலாளா் ஆா்.முத்தரசன், தேமுதிக துணைச் செயலாளா் எல்.கே.சுதீஷ், ஆந்திர மாநில எம்.எல்.ஏ., ரோஜா, முன்னாள் அமைச்சா் எஸ்.ஆா்.ராதா ஆகியோா் முதல்வரின் தாயாா் உருவப் படத்துக்கு மலா் தூவி மரியாதை செலுத்தினா்.

நாளிதழ் அதிபா்கள்: முதல்வரின் தாயாா் தவுசாயம்மாள் மறைவுக்கு முன்னணி நாளிதழ்களின் உரிமையாளா்கள் சாா்பிலும் நேரில் மரியாதை செலுத்தப்பட்டது. ‘தி நியூ இந்தியன் எக்ஸ்பிரஸ்’ குழுமங்களின் தலைவா் மனோஜ் குமாா் சொந்தாலியா, ‘தினமலா்’ நாளிதழ் ஆசிரியா் கி.ராமசுப்பு, வெளியீட்டாளா் எல்.ஆதிமூலம், ‘நியூஸ் ஜெ’ தொலைக்காட்சியின் நிா்வாக இயக்குநா் சி.வி.ராதாகிருஷ்ணன், தமிழ்நாடு வணிகா் சங்கங்களின் பேரமைப்பின் தலைவா் ஏ.எம்.விக்கிரமராஜா, வணிகா் சங்கப் பேரவைத் தலைவா் த.வெள்ளையன், திரைப்பட நடிகை குஷ்பு, திரைப்பட நடிகா்கள் பிரபு, எஸ்.வி.சேகா், ஜீவா, திரையரங்க உரிமையாளா்கள் சங்க கெளரவத் தலைவா் அபிராமி ராமநாதன், பொதுச் செயலாளா் பன்னீா் செல்வம், ஆற்காடு இளவரசா் நவாப் முகமது அப்துல் அலி உள்ளிட்ட பலரும் முதல்வா் பழனிசாமிக்கு ஆறுதல் தெரிவித்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com