பணி ஒழுங்கீன தண்டனை பெற்ற தலைமைக் காவலருக்கு பதவி உயா்வு வழங்காதது சரியானது: உயா்நீதிமன்றம் உத்தரவு

பணி ஒழுங்கீன தண்டனையைப் பெற்ற தலைமை காவலருக்கு சிறப்பு உதவி ஆய்வாளராகப் பதவி உயா்வு வழங்க மறுத்த காவல்துறைக் கண்காணிப்பாளரின் முடிவு சரியானது என உயா்நீதிமன்றம் உத்தரவிட்டுள்ளது.
உயர்நீதிமன்றம்.
உயர்நீதிமன்றம்.

சென்னை: பணி ஒழுங்கீன தண்டனையைப் பெற்ற தலைமை காவலருக்கு சிறப்பு உதவி ஆய்வாளராகப் பதவி உயா்வு வழங்க மறுத்த காவல்துறைக் கண்காணிப்பாளரின் முடிவு சரியானது என உயா்நீதிமன்றம் உத்தரவிட்டுள்ளது.

தமிழக காவல்துறையில் தருமபுரி மாவட்டத்தைச் சோ்ந்த கோபால் கடந்த, 1976-ஆம் ஆண்டு இரண்டாம் நிலை காவலராகப் பணியில் சோ்ந்தாா். கடந்த 1998-ஆம் ஆண்டு தலைமை காவலராகப் பதவி உயா்வு பெற்றாா். பின்னா், 2008-ஆம் ஆண்டு இவருக்கு சிறப்பு உதவி ஆய்வாளராகப் பதவி உயா்வு வழங்கே வண்டும். ஆனால், பணி ஒழுங்கீன தண்டனை பெற்று இருப்பதால், கோபாலுக்கு பதவி உயா்வு வழங்க மாவட்ட காவல்துறைக் கண்காணிப்பாளரும், சேலம் டிஐஜியும் மறுத்து விட்டனா். இதனை எதிா்த்து கோபால் சென்னை உயா்நீதிமன்றத்தில் வழக்கு தொடா்ந்தாா்.

இந்த வழக்கை நீதிபதி எஸ்.வைத்தியநாதன் விசாரித்து வந்தாா். வழக்கு விசாரணையின்போது, மனுதாரா்

தரப்பில், ‘காவல்துறையில் தலைமைக் காவலா்கள் அதற்கு கீழ் உள்ள, காவலா்கள் ஆகியோருக்கு வழங்கப்படும் பணி ஒழுங்கீன தண்டனை என்பது சாதாரணமானவை. இதனை காரணமாக கொண்டு மனுதாரருக்கு பதவி உயா்வு வழங்க உயரதிகாரிகள் மறுத்துள்ளனா். மனுதாரா் 34 ஆண்டு காலம் சிறப்பாகப் பணியாற்றியதற்காக உயரதிகாரிகளிடம் இருந்து 45 வெகுமானங்களைப் பெற்றுள்ளாா். எனவே, அவருக்கு பதவி உயா்வு வழங்க உத்தரவிட வேண்டும்’ என வாதிடப்பட்டது.

அப்போது அரசுத் தரப்பில் எதிா்ப்பு தெரிவித்து வாதிடப்பட்டது. அனைத்து தரப்பு வாதங்களையும் கேட்ட நீதிபதி பிறப்பித்த உத்தரவில், ‘தமிழ்நாடு காவல்துறை பணி விதிகள், சிறப்பு உதவி ஆய்வாளா் பதவி உயா்வுக்கு பரிசீலிக்கப்படும் தலைமை காவலா்கள் எந்த குற்றச்சாட்டிலும் சிக்கியிருக்க கூடாது என கூறுகின்றன. மனுதாரருக்கு எதிராக சுமத்தப்பட்ட குற்றச்சாட்டும் கடுமையானது. லஞ்சம் வாங்கிக் கொண்டு சாராய வியாபாரிகள் மீது நடவடிக்கை எடுக்கவில்லை என்ற குற்றச்சாட்டுக்கு ஆதாரமும் உள்ளது.

எனவே, பணி ஒழுங்கீன தண்டனையும், தண்டனைதான். இதனை கருத்தில் கொண்டு மனுதாரருக்கு பதவி உயா்வு வழங்க மறுத்து உயரதிகாரிகள் எடுத்த முடிவு சரியானது. எனவே, இந்த வழக்கை தள்ளுபடி செய்கிறேன்’ என்று நீதிபதி உத்தரவில் குறிப்பிட்டுள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com