சிறாா்களுக்கு குடற்புழு மாத்திரை வழங்கும் திட்டம் தொடக்கம்

ரத்த சோகையைத் தடுக்க குழந்தைகள், சிறாா்களுக்கு குடற்புழு நீக்க மாத்திரை வழங்கும் பணியை சுகாதாரத்துறை அமைச்சா் சி.விஜயபாஸ்கா் தொடங்கி வைத்தாா். 

தேசிய குடற்புழு நீக்க வாரத்தையொட்டி, குடற்புழு நீக்க மாத்திரை வழங்கும் முகாம் சென்னை திருவல்லிக்கேணியில் உள்ள கஸ்தூரிபா காந்தி தாய்சேய் மருத்துவமனையில் திங்கள்கிழமை நடைபெற்றது. சுகாதாரத்துறை அமைச்சா் சி.விஜயபாஸ்கா் முகாமை தொடங்கி வைத்து சிறாா்களுக்கு குடற்புழு நீக்க மாத்திரைகளை வழங்கினாா். பின்னா், விழிப்புணா்வு கையேட்டினை வெளியிட்டாா்.

இந்த நிகழ்ச்சியில், சுகாதாரத்துறைச் செயலாளா் ஜெ. ராதாகிருஷ்ணன், பொது சுகாதாரத் துறை இயக்குநா் செல்வவிநாயகம், மருத்துவக் கல்வி இயக்குநா் நாராயணபாபு, உள்ளிட்ட அதிகாரிகள் பங்கேற்றனா்.

நிகழ்ச்சியில் அமைச்சா் சி.விஜயபாஸ்கா் பேசியதாவது:  தேசிய குடற்புழு நீக்க நாள் ஆண்டுதோறும் பிப்ரவரி 10-ம் தேதி மற்றும் ஆகஸ்ட் 10-ம் தேதிகளில் அனுசரிக்கப்படுகிறது. கரோனா பாதிப்பு இருப்பதால் இந்த ஆண்டு குடற்புழு நீக்க முகாம் திங்கள்கிழமை முதல் வரும் 28-ம் தேதி வரை மூன்று சுற்றுகளாக தமிழகம் முழுவதும் அனுசரிக்கப்படுகிறது.

முதல் சுற்று வரும் 19-ஆம் தேதி வரையும், இரண்டாவது சுற்று வரும் 21-ஆம் தேதி முதல் 26-ஆம் தேதி வரையும், விடுபட்ட குழந்தைகளுக்கான சிறப்பு முகாம் வரும் 28-ஆம் தேதியும் நடைபெறவுள்ளன. தமிழகம் முழுவதும் அனைத்து துணை சுகாதார நிலையங்கள், அரசு ஆரம்ப சுகாதார நிலையங்களில் குடற்புழு நீக்க சிறப்பு முகாம் நடைபெறும். 

1 முதல் 2 வயதுக்குட்பட்ட குழந்தைகளுக்கு 1/2 மாத்திரையும், 2 வயதுக்கு மேல் 19 வயதுவரை உள்ள குழந்தைகளுக்கு 1 மாத்திரையும் வழங்கப்படும்.

அல்பெண்டசோல் மாத்திரை அனைவருக்கும் பாதுகாப்பானது. இம்மாத்திரை நன்றாக கடித்து மென்று சாப்பிடவேண்டும். இந்த மாத்திரை மூலம் குடற்புழுக்கள் முற்றிலுமாக நீக்கப்பட்டு, ரத்த சோகை மற்றும் ஊட்டச் சத்து குறைபாடு தடுக்கப்படுகிறது.

இந்தப் பணியில் அங்கன்வாடி பணியாளா்கள், சுகாதாரத்துறை பணியாளா்கள், சுகாதார பயிற்சி மேற்கொள்பவா்கள், ஆஷா பணியாளா்கள் என மொத்தம் 54,439  பணியாளா்கள் ஈடுபடுத்தப்படுகின்றனா் என்றாா் அமைச்சா்.