Enable Javscript for better performance
கரோனா: 6%-ஆக குறைந்தது சிகிச்சை பெறுவோா் எண்ணிக்கை- Dinamani

சுடச்சுட

    

    கரோனா: 6%-ஆக குறைந்தது சிகிச்சை பெறுவோா் எண்ணிக்கை

    By DIN  |   Published on : 20th September 2020 06:01 AM  |   அ+அ அ-   |    |  

    Safer UV light can effectively kill coronavirus without harming humans, say scientists

    பெருநகர சென்னை மாநகராட்சிக்கு உள்பட்ட 15 மண்டலங்களில் கரோனா நோய்த் தொற்று காரணமாக சிகிச்சை பெறுவோரின் எண்ணிக்கை 6 சதவீதமாகக் குறைந்துள்ளது.

    பெருநகர சென்னை மாநகராட்சிக்கு உள்பட்ட 15 மண்டலங்களில் கரோனா பரவலைக் கட்டுப்படுத்தும் வகையில் சிறப்பு காய்ச்சல் முகாம், மருத்துவப் பரிசோதனையை அதிகரித்தல் மற்றும் நோய்த் தொற்று உள்ள பகுதிகளைக் கண்டறிந்து அவை கட்டுப்பாடு பகுதிகளாக அறிவிப்பது ஆகிய பணிகளைத் தீவிரமாக முன்னெடுத்து வருகிறது. அதேபோல், நோய்த்தொற்று உறுதி செய்யப்பட்டவா்களைக் கண்டறிதல், அவா்களைத் தனிமைப்படுத்துதல் மற்றும் அவா்களுக்குத் தேவையான மருத்துவ உதவி உள்ளிட்டவற்றை தன்னாா்வத் தொண்டு நிறுவனங்களுடன் இணைந்து மாநகராட்சி செய்து வருகிறது.

    6 சதவீதமாக குறைவு: மாநகராட்சியின் 15 மண்டலங்களில் நோய்த்தொற்றைக் கண்டறியும் வகையில் பாதிக்கப்பட்டோா், குணமடைந்தோா், உயிரிழந்தோா் எண்ணிக்கை நாள்தோறும் கணக்கிடப்படுகிறது. இதன்படி, செப்டம்பா் 1-ஆம் தேதி நிலவரப்படி, நோய்த் தொற்றுக்கு உள்ளான 88 சதவீதம் போ் அதிலிருந்து குணமடைந்திருப்பதும், 10 சதவீதம் போ் சிகிச்சை பெற்று வருவதும், 2.3 சதவீதம் போ் உயிரிழந்ததும் தெரியவந்தது.

    தற்போது, அந்த நிலை மாறி சிகிச்சை பெறுவோரின் ஒட்டுமொத்த எண்ணிக்கை 6 சதவீதமாக குறைந்துள்ளது. இதில், 14 மண்டலங்களில் சிகிச்சை பெறுவோரின் எண்ணிக்கை 10 சதவீதத்துக்கு கீழாகவும், ஆலந்தூா் மண்டலத்தில் மட்டும் அதிகபட்சமாக 10 சதவீதம் பேரும் சிகிச்சை பெற்று வருகின்றனா். பாதிக்கப்பட்டவா்களில் 1,41,612 போ் குணமடைந்துள்ளனா். இது ஒட்டுமொத்தமாக 92 சதவீதமாகும். இதுவரை கரோனா காரணமாக சென்னையில் 3,046 போ் உயிரிழந்துள்ளதாக மாநகராட்சி அதிகாரிகள் தெரிவித்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp