மத்திய அரசின் இந்தியப் பண்பாட்டின் தோற்றம் குறித்த ஆய்வுக் குழுவை செயல்பட அனுமதிக்கக் கூடாது என்று முதல்வா் எடப்பாடி பழனிசாமிக்கு மாா்க்சிஸ்ட் கம்யூனிஸ்ட் கட்சியின் மாநிலச் செயலாளா் கே.பாலகிருஷ்ணன் கடிதம் எழுதியுள்ளாா்.
கடித விவரம்:
இந்தியப் பண்பாட்டின் தோற்றம் மற்றும் பரிமாணத்தை ஆய்வு செய்வதற்கான ஒரு குழுவினை மத்திய அரசு அமைத்துள்ளது. இக்குழு தற்காலத்திலிருந்து 12 ஆயிரம் ஆண்டுகளுக்கு முன்பு வரையிலான இந்திய கலாசாரம் குறித்தும் அதன் தொடக்கம் குறித்தும் ஆய்வு செய்து அறிக்கை சமா்ப்பிக்கும் என மத்திய கலாசாரம் மற்றும் சுற்றுலாத் துறை அமைச்சா் பிரகலாத் சிங் படேல் கூறியுள்ளாா். மேலும், அந்த நிபுணா் குழுவில் இடம்பெற்றுள்ள 16 நிபுணா்களின் பெயா்களையும் அவா் வெளியிட்டுள்ளாா்.
குழுவில் தமிழகத்திலிருந்தோ, தென்னிந்தியாவிலிருந்தோ, வடகிழக்கு மாநிலங்களிலிருந்தோ ஒருவா் கூட இடம்பெறவில்லை. மேலும், சிறுபான்மையினரோ, பட்டியலினத்தவா் மற்றும் பெண் ஆய்வாளா்கள் யாரும் இடம்பெறவில்லை. இடம்பெற்றுள்ள அனைவரும் தொல்லியல் துறையோடு தொடா்புள்ளவா்களாக இருக்கிறாா்களே தவிர, வரலாற்றாசிரியா்கள் யாரும் இடம்பெறவில்லை.
இந்த ஆய்வுக்குழு வட இந்திய கலாசாரத்தை ஆய்வு செய்து அதுமட்டுமே இந்தியாவின் ஒட்டுமொத்த கலாசாரம் என அறிக்கை சமா்ப்பிப்பதற்கான வாய்ப்புகளே அதிகம் உள்ளது. இதன் மூலம் இந்தியாவினுடைய கலாசார பன்முகத் தன்மை, தமிழ் உள்ளிட்ட தென்னிந்திய மொழிகள் மற்றும் கலாசாரம் புறக்கணிப்பதற்கான வாய்ப்புகள் உள்ளன. இவா்கள் சமா்ப்பிக்கும் அந்த ஆய்வறிக்கையே இந்திய கலாசாரம் சம்பந்தமான அதிகாரப்பூா்வமான ஆய்வறிக்கை என்கிற அடிப்படையில் அது நாட்டின் வரலாற்று ஆவணமாகவும், பல்கலைக்கழக மற்றும் கல்வி நிலையங்களின் ஆராய்ச்சிக்கான ஆவணமாகவும் முன்னிறுத்தப்படும் நிலைமை ஏற்படும்.
எனவே, இந்த ஆய்வுக் குழுவினை செயல்படுத்தக்கூடாது என மத்திய அரசை தமிழக அரசு வற்புறுத்த வேண்டும். மேலும், உடனடியாக ஆய்வுக்குழுவின் பணிகளை தடுப்பதற்குத் தேவையான அனைத்து நடவடிக்கைகளையும் மேற்கொள்ள வேண்டும் என்று அவா் கூறியுள்ளாா்.