சென்னை: ஸ்ரீபெரும்புதூரில் அகில இந்திய காங்கிரஸ் கமிட்டியின் பொதுச்செயலாளா் பிரியங்கா காந்தி ஏப்ரல் 3-இல் பிரசாரம் செய்ய உள்ளாா்.
தமிழகத்தில் சட்டப் பேரவைத் தோ்தல் பிரசாரம் தீவிரமாக நடைபெற்று வருகிறது. திமுக, அதிமுக உள்ளிட்ட கட்சிகளின் தலைவா்கள் இறுதிக் கட்ட பிரசாரத்தில் மும்முரமாக ஈடுபட்டு வருகின்றனா். பிரதமா் நரேந்திர மோடி, அகில இந்திய காங்கிரஸ் கமிட்டியின் முன்னாள் தலைவா் ராகுல் காந்தி ஆகியோரும் தமிழகம் வந்து பிரசாரம் செய்துள்ளனா்.
இந்த நிலையில், பிரசாரத்துக்காக பிரியங்கா காந்தி ஏப்ரல் 3-இல் தமிழகம் வருகை தர உள்ளாா். ஸ்ரீபெரும்புதூருக்கு வருகை தரும் அவா் அங்குள்ள முன்னாள் பிரதமா் ராஜீவ் காந்தி நினைவிடத்தில் மரியாதை செலுத்துகிறாா். இதைத் தொடா்ந்து, திமுக - காங்கிரஸ் கூட்டணி வேட்பாளா்களை ஆதரித்துப் பிரசாரம் செய்கிறாா்.
அதன் பின்னா், கன்னியாகுமரி புறப்பட்டுச் சென்று, அங்கு திமுக - காங்கிரஸ் வேட்பாளா்களை ஆதரித்துப் பிரசாரம் செய்ய உள்ளாா். தோ்தல் பிரசாரம் ஏப்ரல் 4-ஆம் தேதி 0ரவு 7 மணியுடன் நிறைவடைய உள்ளது என்பது குறிப்பிடத்தக்கது.