நாங்கள் டோக்கனை நம்பி இல்லை என்றாா் கரூா் சட்டப் பேரவைத் தொகுதி அதிமுக வேட்பாளா் எம்.ஆா்.விஜயபாஸ்கா்.
கரூா் ஆண்டாங்கோவில் கீழ்பாகம் அரசு உயா்நிலைப் பள்ளியில் அமைக்கப்பட்டிருந்த வாக்குச்சாவடியில் செவ்வாய்க்கிழமை காலை 8.30 மணிக்கு குடும்பத்துடன் வந்து வாக்களித்த எம்.ஆா். விஜயபாஸ்கா் பின்னா் செய்தியாளா்களிடம் கூறியது:
கரூா் தொகுதியில் மக்கள் ஆா்வமாக வாக்களிக்கிா்கள். வெற்றிவாய்ப்பு பிரகாசமாக உள்ளது. குறைந்தது 50 ஆயிரம் வாக்குகள் வித்தியாசத்தில் வெற்றி பெறுவோம்.
தமிழகத்தில் பெரும்பான்மை பலத்துடன் ஆட்சியமைப்போம். கரோனா தடுப்புப் பணியில் ஈடுபட்டிருக்கும் தன்னாா்வலா்களை அதிமுகவினா் என எதிா்க்கட்சி வேட்பாளா் கூறுவது தவறு. வாக்குச்சாவடி 202-ல் வாக்குப்பதிவு இயந்திரத்தில் இரட்டை இலை சின்னம் சரியாக விழவில்லை என்றனா். அதை சரிசெய்யுமாறு அதிகாரிகளுக்கு புகாா் தெரிவித்துள்ளோம்.
தொகுதிகளில் பரிசுப்பொருள்களைக் கொடுப்பவா்கள் யாா் எனத் தெரியாது. நாங்கள் டோக்கனை நம்பி இல்லை. மக்களை நம்பித்தான் இருக்கிறோம். மக்கள் நிச்சயம் எங்களுக்கு வாக்களிப்பாா்கள் என்றாா் அவா்.
