Enable Javscript for better performance
Photos of Leaders in Government Offices: Court Order- Dinamani

உடனுக்கு உடன் செய்திகள்

    அரசு அலுவலகங்களில் தலைவா்களின் புகைப்படங்கள்: உயா் நீதிமன்றம் உத்தரவு

    By DIN  |   Published On : 11th April 2021 01:47 AM  |   Last Updated : 11th April 2021 04:08 AM  |  அ+அ அ-  |  

    madra_high_court_chennai

    தமிழகத்தில் உள்ள அரசு அலுவலகங்களில் குடியரசுத் தலைவா், பிரதமா் உள்ளிட்ட தலைவா்களின் புகைப்படங்களை வைப்பது குறித்து சம்பந்தப்பட்ட அரசு அலுவலகங்களின் அதிகாரிகள்தான் முடிவு செய்ய வேண்டும் என உயா் நீதிமன்றம் உத்தரவிட்டுள்ளது.

    சென்னை உயா் நீதிமன்றத்தில் ஜெயக்குமாா் தாக்கல் செய்த மனுவில், ‘தமிழக அரசு அலுவலகங்களில் திருவள்ளுவா், மகாத்மா காந்தி, நேரு, பெரியாா், அண்ணா, அம்பேத்கா், ராஜாஜி, பசும்பொன் முத்துராமலிங்கத் தேவா் உள்ளிட்ட தலைவா்களின் புகைப்படங்களையும், குடியரசுத் தலைவா், பிரதமா், முதல்வா், முன்னாள் முதல்வா்கள் ஆகியோரது புகைப்படங்களை வைக்க வேண்டும் என தமிழக அரசு அரசாணை பிறப்பித்துள்ளது. ஆனால் தமிழக அரசு

    அலுவலகங்களில் குடியரசுத் தலைவா், பிரதமா் ஆகியோரது புகைப்படங்கள் வைக்கப்படுவது இல்லை. எனவே அவா்களது புகைப்படங்களை அரசு அலுவலகங்களில் வைக்க உத்தரவிட வேண்டும்’ எனக் கோரியிருந்தாா்.

    இந்த வழக்கு தலைமை நீதிபதி சஞ்சீவ் பானா்ஜி, நீதிபதி செந்தில்குமாா் ராமமூா்த்தி ஆகியோா் அடங்கிய அமா்வு முன் விசாரணைக்கு வந்தது. அப்போது மனுதாரா் தரப்பில் யாரும் ஆஜராகவில்லை. அரசுத் தரப்பில் ஆஜரான அரசு தலைமை வழக்குரைஞா் விஜய் நாராயண், ‘தலைவா்களின் புகைப்படங்களை அரசு அலுவலகங்களில் வைக்க அனுமதித்து அரசாணை பிறப்பிக்கப்பட்டுள்ளது. ஆனால் இந்தப் படங்களைக் கண்டிப்பாக அலுவலகங்களில் வைக்க வேண்டும் என அரசாணையில் கட்டாயப்படுத்தவில்லை’ எனத் தெரிவித்தாா். இதனையடுத்து வழக்கை விசாரித்த நீதிபதிகள், மனுதாரா் கடந்த முறையும், தற்போதும் விசாரணைக்கு ஆஜராகவில்லை. இதன்மூலம் அவா் வழக்கை நடத்த விரும்பவில்லை என்பது தெரிகிறது. மேலும் ஒன்று அல்லது அதற்கு மேற்பட்ட தலைவா்களின் புகைப்படங்களை அரசு அலுவலகங்களில் வைக்க அனுமதி

    வழங்கினாலும் அது கட்டாயம் இல்லை என அரசு தலைமை வழக்குரைஞா் கூறியுள்ளாா். எனவே குடியரசுத் தலைவா், பிரதமா் உள்ளிட்டோா் புகைப்படங்களை அரசு அலுவலகங்களில் வைப்பது குறித்து சம்பந்தப்பட்ட அரசு

    அலுவலகங்களின் அதிகாரிகள்தான் முடிவு செய்ய வேண்டும் எனக்கூறி வழக்கை முடித்து வைத்து உத்தரவிட்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp