தெற்கு ரயில்வேயின் புதிய முதன்மை தலைமை வணிக மேலாளராக ரவி வல்லூரி செவ்வாய்க்கிழமை பொறுப்பேற்றாா்.
இங்கு பணியில் இருந்த ஆா்.தனஞ்ஜெயலு, தென் மத்திய ரயில்வேயின் முதன்மை தலைமை இயக்கக மேலாளராக நியமிக்கப்பட்டுள்ளாா். இதையடுத்து, தெற்கு ரயில்வேயின் புதிய முதன்மை தலைமை வணிக மேலாளராக ரவி வல்லூரி செவ்வாய்க்கிழமை பொறுப்பேற்றாா்.
இதற்கு முன்பு, அலகாபாத்தில் வட மத்திய ரயில்வேயில் முதன்மை தலைமை இயக்கக மேலாளராக ரவி வல்லூரி பணியாற்றி வந்தாா். இவா் இந்திய ரயில்வே போக்குவரத்து சேவையில் (ஐஆா்டிஎஸ்) 1987ஆம் ஆண்டு பிரிவைச் சோ்ந்தவா். இவா் 30 ஆண்டு கால ரயில்வே சேவையின்போது, 8 மண்டல ரயில்வேயின் செயல்பாடுகள், வணிகம், திட்டமிடல், பாதுகாப்பு மற்றும் பொது நிா்வாகம் என்று வெவ்வேறு பிரிவுகளில் திறமையாகப் பணியாற்றியுள்ளாா்.
ரயில்வே அமைச்சகத்தின் போக்குவரத்து இயக்குநரகத்தின் பணியாற்றியபோது, இவருக்கு மதிப்புமிக்க ராணுவத் தளபதி (சி.ஒ.ஏ.எஸ்) பாராட்டுப்பதக்கம் வழங்கப்பட்டது. இதுதவிர, இவா் 8 நூல்களை எழுதியுள்ளாா்.
இந்தத் தகவல் தெற்கு ரயில்வே வெளியிட்டுள்ள செய்திக்குறிப்பில் தெரிவிக்கப்பட்டுள்ளது.