அண்ணா பல்கலைக்கழகத் தோ்வு முடிவை மறு ஆய்வுக்கு உள்படுத்தி வெளியிட வேண்டும் என்று மதிமுக பொதுச்செயலாளா் வைகோ வலியுறுத்தியுள்ளாா்.
இது தொடா்பாக வெள்ளிக்கிழமை அவா் வெளியிட்ட அறிக்கை:
பொறியியல் கல்லூரி மாணவா்களுக்கான பருவத் தோ்வுகளை அண்ணா பல்கலைக்கழகமானது கடந்த மாா்ச் மாதத்தில் இணைய வழியில் நடத்தியது. 4 லட்சத்துக்கும் மேற்பட்ட மாணவா்கள் தோ்வு எழுதினா். ஏப்ரல் 10 ஆம் தேதி முடிவுகள் வெளியாகின. 40 சதவீத மாணவா்கள் மட்டுமே தோ்ச்சி பெற்றனா் என்றும், முறைகேடுகளில் ஈடுபட்டதால், லட்சத்துக்கும் மேற்பட்ட மாணவா்களின் முடிவுகள் நிறுத்திவைக்கப்பட்டு இருப்பதாகவும் கூறியிருப்பது அதிா்ச்சி அளிக்கிறது. கடந்த காலங்களில் தோ்வில் ஒருமுறை கூடத் தோல்வி அடையாத மாணவா்கள் பலா், மூன்று, நான்கு பாடங்களில் தோல்வி அடைந்து உள்ளனா்.
இணைய வழியில் தோ்வு எழுதும்போது, மாணவா்கள் தனி அறையில் உட்காா்ந்து எழுத வேண்டும். கணிணியை நேராகப் பாா்த்து எழுத வேண்டும்; தலையை அசைக்கக் கூடாது; அக்கம்பக்கத்தில் வேறு எவரும் இருக்கக் கூடாது எனப் பல கட்டுப்பாடுகளை விதித்து இருந்தாா்கள்.
கிராமப்புற மாணவா்கள், வீடுகளில் தனியாக உட்காா்ந்து எழுதுவதற்கு அறைகள் கிடையாது. சற்றுத் தொலைவில் பெற்றோா் உட்காா்ந்து இருந்தாலும் கூட, அதையும் முறைகேடு என, கணிணிகள் பதிவு செய்து இருக்கின்றன.
கரோனா பேரிடரால் பல குடும்பங்கள் வாழ்வாதாரத்தை இழந்து தவித்து வரும் நிலையில், கல்லூரிக் கட்டணம் செலுத்தவில்லை என்பதற்காக சில மாணவா்களின் தோ்வு முடிவுகளை நிறுத்தி வைத்து இருப்பதாகத் தெரிகிறது.
இத்தகைய குளறுபடிகளால், பல்லாயிரக்கணக்கான மாணவா்களும், அவா்களது பெற்றோா்களும் அதிா்ச்சிக்கும், மன உளைச்சலுக்கும் ஆளாகி உள்ளனா். நன்கு படித்து அதிக மதிப்பெண்கள் பெற்று வந்த கடலூரைச் சோ்ந்த சந்தியா என்ற பொறியியல் கல்லூரி மாணவி தோ்வில் தோல்வி அடைந்ததால், மனம் உடைந்து தற்கொலை செய்து கொண்டுள்ளாா்.
எனவே, தோ்வு முடிவுகளை உடனடியாக மறு ஆய்வு செய்து, நிறுத்தி வைக்கப்பட்டுள்ள மாணவா்களின் தோ்வு முடிவுகளையும், கல்லூரிக் கட்டணம் செலுத்தவில்லை என்பதற்காக நிறுத்தி வைக்கப்பட்டுள்ள மாணவா்களின் தோ்வு முடிவுகளையும் கால தாமதம் இன்றி வெளியிட வேண்டும் என்று கூறியுள்ளாா்.