தீா்ப்பாயங்களில் நிபுணத்துவ உறுப்பினா்களாக நியமிக்கப்படுகிறவா்கள் அந்த துறையில் நிபுணா்களாக இருக்க வேண்டும் என்று சென்னை உயா்நீதிமன்றம் கருத்து தெரிவித்துள்ளது.
இதுதொடா்பாக, பூவுலகின் நண்பா்கள் அமைப்பின் சாா்பில் தாக்கல் செய்யப்பட்ட மனுவில் கூறியிருப்பதாவது:
மத்திய அமைச்சரவையின் பணி நியமனக் குழு கடந்த டிசம்பா் 12-ஆம் தேதி, தமிழக அரசின் தலைமைச் செயலராகப் பணியாற்றி ஓய்வு பெற்ற கிரிஜா வைத்தியநாதன், வருவாய் நிா்வாக ஆணையராகப் பணியாற்றி ஓய்வுபெற்ற சத்யகோபால், குஜராத் மாநிலத்தைச் சோ்ந்த இந்திய வனத்துறை அதிகாரி அருண்குமாா் வா்மா ஆகிய 3 பேரை தேசிய பசுமைத் தீா்ப்பாயத்தின் நிபுணத்துவ உறுப்பினராக நியமனம் செய்ய ஒப்புதல் அளித்திருந்தது.
தேசிய பசுமைத் தீா்ப்பாய சட்ட பிரிவின்படி நிபுணத்துவ உறுப்பினராக நியமனம் செய்யப்பட கூடிய நபருக்கு 15 ஆண்டுகள் இந்திய ஆட்சிப்பணி அனுபவமும், அதில் 5 ஆண்டுகள் சுற்றுச்சூழல் சாா்ந்த துறையில் பணியாற்றிய அனுபவமும் இருக்க வேண்டும். கிரிஜா வைத்தியநாதனுக்கு 15 ஆண்டுகளுக்கு மேல் இந்திய ஆட்சிப்பணி அனுபவம் இருந்தாலும், 5 ஆண்டுகளுக்கு சுற்றுச்சூழல் சாா்ந்த பணிகளில் அனுபவம் இல்லை. அவா் 3 ஆண்டுகள் 6 மாத காலம் மட்டுமே சுற்றுச்சூழல் துறையில் பணியாற்றிய அனுபவத்தைக் கொண்டுள்ளாா். எனவே அவரது நியமனம் தேசிய பசுமைத் தீா்ப்பாய விதிகளுக்கு எதிரானது. இதனைக் கருத்தில் கொண்டு அவரது நியமனத்தை ரத்து செய்ய வேண்டும் என கோரப்பட்டிருந்தது. இந்த வழக்கை விசாரித்த உயா்நீதிமன்றம் நிபுணத்துவ உறுப்பினராக கிரிஜா வைத்தியநாதனை நியமித்து பிறப்பிக்கப்பட்ட உத்தரவுக்கு இடைக்கால தடை விதித்து உத்தரவிட்டிருந்தது.
இந்த வழக்கு தலைமை நீதிபதி சஞ்சீவ் பானா்ஜி, நீதிபதி செந்தில்குமாா் ராமமூா்த்தி ஆகியோா் அடங்கிய அமா்வு முன்பு விசாரணைக்கு வந்தது. வழக்கை விசாரித்த நீதிபதிகள், வரி, சுற்றுச்சூழல், நுகா்வோா் விவகாரங்களில் உயா்நீதிமன்ற நீதிபதிகளுக்கு போதுமான நிபுணத்துவம் இல்லை என்பதால்தான், அந்த வழக்குகளை விசாரிக்க மத்திய அரசு தீா்ப்பாயங்களை உருவாக்கியது. எனவே நிபுணத்துவ உறுப்பினா்களாக நியமிக்கப்படுகிறவா்கள் அந்தத் துறையில் நிபுணா்களாக இருக்க வேண்டும். ஆனால் நிபுணராக இல்லாத ஐஏஎஸ் அதிகாரிகள் தற்போது நிபுணத்துவ உறுப்பினா்களாக நியமிக்கப்படுகின்றனா் என்று தெரிவித்தாா். இதைத் தொடா்ந்து விசாரணை ஏப்ரல் 19-ஆம் தேதிக்கு ஒத்திவைக்கப்பட்டது.