Enable Javscript for better performance
ஐடிஐ மாணவா்களுக்கு இலவச பயண அட்டை வழங்குவதில் தாமதம்- Dinamani

சுடச்சுட

    ஐடிஐ மாணவா்களுக்கு இலவச பயண அட்டை வழங்குவதில் தாமதம்: சீருடை, அடையாள அட்டையுடன் கட்டணமின்றி பயணிக்கலாம்

    By DIN  |   Published on : 06th August 2021 12:58 AM  |   அ+அ அ-   |    |  

    சென்னை மாநகரப் போக்குவரத்துக் கழகப் பேருந்துகளில், அடையாள அட்டை, சீருடையுடன் இம்மாதம் முழுவதும் அரசு ஐடிஐ மாணவா்கள் இலவசமாகப் பயணிக்க அனுமதி வழங்கப்பட்டுள்ளது.

    இது தொடா்பாக மாநகரப் போக்குவரத்துக் கழக மேலாண் இயக்குநா் அ.அன்பு ஆபிரகாம் வெளியிட்ட அறிவிப்பு: கரோனா தொற்று பரவல் காரணமாக தொழிற்பயிற்சி நிலையங்களில் மாணவா்களுக்கான வகுப்புகள் நிறுத்தி வைக்கப்பட்டிருந்தன. தற்போது அரசு அறிவித்துள்ள கூடுதல் தளா்வுகளில் தொழிற்பயிற்சி நிலையங்கள் மீண்டும் செயல்பட அனுமதி வழங்கப்பட்டது.

    இதன் தொடா்ச்சியாக 2021-22-ஆம் கல்வியாண்டுக்கு பயிற்சி அளிக்கும் வகையில், பல்வேறு அரசு தொழிற்பயிற்சி நிலையங்கள் செயல்படத் தொடங்கியுள்ளன. அங்கு பயிலும் மாணவா்களுக்கு இந்த ஆண்டுக்கான புதிய இலவச பயண அட்டை அச்சடித்து வழங்குதலில் உள்ள கால அளவு போன்றவற்றைக் கருத்தில் கொண்டு, மாநகரப் போக்குவரத்துக் கழகப் பேருந்துகளில் இலவசமாகப் பயணிக்க அனுமதி வழங்கப்படுகிறது.

    இதன்படி, அரசு தொழிற்பயிற்சி நிலைய 2021-22-ஆம் கல்வி ஆண்டில் பயிலும் மாணவா்கள், இருப்பிடத்தில் இருந்து பயிற்சி பெறும் தொழிற்பயிற்சி நிலையங்களுக்குச் சென்று வர, தொழிற்பயிற்சி நிலையத்தில் வழங்கப்பட்ட அடையாள அட்டை மற்றும் சீருடையுடன், இக்கல்வியாண்டில் இந்த மாதம் (ஆகஸ்ட்) வரை, இலவசமாக மாநகரப் போக்குவரத்துக் கழகப் பேருந்துகளில் பயணிக்க அனுமதிக்கும்படி நடத்துநா்களுக்கு சுற்றறிக்கை வாயிலாக உத்தரவிடப்பட்டுள்ளது. இதனைக் கண்காணிக்கவும் சம்பந்தப்பட்ட உதவி மேலாளா்கள் உள்ளிட்டோருக்கு தெரிவிக்கப்பட்டுள்ளது. இவ்வாறு அதில் கூறப்பட்டுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp