அதிநவீன போா்விமானம், சொகுசு காா் உள்ளிட்ட பல்வேறு உற்பத்தித் தொழிற்சாலைகளில் அதிநவீன டிஜிட்டல் வடிவமைப்புத் துறையில் சா்வதேச அளவில் வேலைவாய்ப்பு அதிகரித்துள்ளதாக பிரான்ஸ் ரபேல் போா் விமானம் தயாரிக்கும் டசால்ட் நிறுவனத்தின் தென்னிந்திய மேலாளா் கிரண் கிருஷ்ணன் கூறினாா்.
வண்டலூா் பி.எஸ்.அப்துர்ரகுமான் கிரசென்ட் தொழில்நுட்பக் கல்வி நிறுவனத்தில் வெள்ளிக்கிழமை நடைபெற்ற டசால்ட் சிஸ்டம்ஸ் சிறப்புப் பயிற்சி மையத் திறப்பு விழாவில் அவா் மேலும் பேசியது:
விமானம், சொகுசு காா் தயாரிப்பு உள்ளிட்ட பல்வேறு தொழிற்சாலைகளுக்கு டிஜிட்டல் வடிவமைப்பு மென்பொருள்கள் தயாரிக்கும் பிரான்ஸ் டசால்ட் நிறுவனம் தொடங்கி இருக்கும் டசால்ட் சிஸ்டம்ஸ் சிறப்பு மையம் மூலம் இங்கு பயிலும் மாணவா்களுக்கு சா்வதேச அளவில் தற்போது பயன்பாட்டில் உள்ள வடிவமைப்புத் தொழில்நுட்பம் தொடா்பான பயிற்சி வழங்க உள்ளோம். மாணவா்கள் வாய்ப்பைப் பயன்படுத்திக் கொள்வதன் மூலம் சா்வதேச அளவில் வேலைவாய்ப்புகளைப் பெற முடியும் என்றாா் அவா்.
பின்னா் நடைபெற்ற நிகழ்ச்சியில் டசால்ட் நிறுவனமும்,கிரசென்ட் கல்வி நிறுவனமும் மேற்கொண்ட புரிந்துணா்வு ஒப்பந்தத்தில் டசால்ட் தென்னிந்திய மேலாளா் கிரண் கிருஷ்ணனும், பதிவாளா் ஏ.ஆசாத்தும் கையெழுத்திட்டனா்.
துணை வேந்தா் ஏ.பீா்முகமது, இணை பதிவாளா் ராஜா உசேன், இயந்திரவியல் துறைத் தலைவா் எஸ்.ரசூல் முகைதீன், ஆட்டோமொபைல் துறைத் தலைவா் பி.டி.ஜெயக்குமாா், ஏரோநாட்டிக்கல் துறைத் தலைவா் கதிா்வேல் உள்ளிட்டோா் பங்கேற்றனா்.