Enable Javscript for better performance
நில உரிமைக்கான பட்டா பெற்று பழங்குடியின மக்கள் அமைத்து வரும் குடிசைகளை அகற்றிய வனத்துறையினா்- Dinamani

உடனுக்கு உடன் செய்திகள்

    முகப்பு தமிழ்நாடு

    பட்டா பெற்று பழங்குடியின மக்கள் அமைத்து வந்த குடிசைகளை அகற்றிய வனத்துறையினா்

    By DIN  |   Published On : 03rd December 2021 03:53 PM  |   Last Updated : 03rd December 2021 04:00 PM  |  அ+அ அ-  |  

    WhatsApp_Image_2021-12-03_at_3

    பட்டா கொடுத்து 15 நாட்கள் ஆன நிலையில் கல்லார் பழங்குடி மக்களின் குடிசைகளை இன்று காலை 9 மணிக்கு வனத்துறையினர் வெட்டி அழிக்கும் காட்சிகள்

     

    வால்பாறை: அரசு வழங்கிய பட்டா நிலத்தில் வசிக்க பழங்குடியின மக்கள் அமைத்து வந்த குடிசைப் பகுதிக்குச் சென்ற வனத்துறையினா் அனைத்து குடிசைகளையும் அகற்றிய சம்பவம் வால்பாறையில் பரபரப்பை ஏற்படுத்தியுள்ளது.

    கோவை மாவட்டம் ஆனைமலை புலிகள் காப்பகக்திற்கு உள்பட்ட வாால்பாறையை அடுத்த தாய்முடி எஸ்டேட் அருகில் உள்ள வனத்தில் அமைந்துள்ளது கல்லாறு செட்டில்மெண்ட். 

    கடந்த 2019 ஆம் ஆண்டு பெய்த கனமழை சமயத்தில் செட்டில்மெண்டில் மண் சரிவு ஏற்பட்டு அனைத்து குடிசைகளும் சேதமடைந்தன. இதனால் அங்கு வசித்த அனைத்து பழங்குடியின மக்களையும் வெளியேற்றிய வனத்துறையினா், தாய்முடி எஸ்டேட் தொழிலாளா் குடியிருப்புகளில் தங்க வைத்திருந்தனர்.

    மண் சரிவு ஏற்பட்ட கல்லாறு செட்டில்மெண்டில் மீண்டும் வசிக்க வனத்துறையினா் அனுமதி மறுத்ததால் அதன் அருகில் உள்ள தெப்பக்குளமேடு ௭ன்ற பகுதியில் இடம் வழங்க கடந்த இரு வருடங்களாக பழங்குடியின மக்கள் போராட்டம் நடத்தினா். இதனையடுத்து கடந்த மாதம் 7-ஆம் தேதி வால்பாறையில் நடைபெற்ற விழாவில் அமைச்சா் வி.செந்தில்பாலாஜி கல்லாறு செட்டில்மெண்டை சோ்ந்த 23 பழங்குடியின குடும்பங்களுக்கும் தெப்பக்குளமேடு பகுதியிலேயே வசிக்க நில உரிமை பட்டா வழங்கினாா். 

    இதனையடுத்து அங்கு பட்டா பெற்ற பழங்குடியின மக்கள் தெப்பக்குளமேடு பகுதியில் வசிக்க குடிசை அமைக்கும் பணியை மேற்கொண்டுவந்தனர். இன்னும் இரண்டு நாள்களில் குடியேற இருந்த நிலையில் வெள்ளிக்கிழமை வன ஊழியா்களுடன் அப்பகுதிக்குச் சென்ற மானாம்பள்ளி வனச்சரக அலுவலா் மணிகன்டன், வன ஊழியா்களைக் கொண்டு அங்கு அமைக்கப்பட்ட அனைத்து குடிசைகளையும் அப்புறப்படுத்தியதோடு பழங்குடியின மக்களை அப்பகுதியை விட்டு வெளியேற்றும் முயற்சிலும் ஈடுபட்டுள்ளார். இச்சம்பவம் வால்பாறை பகுதியில் பரபரப்பை ஏற்படுத்தியுள்ளது.

    வால்பாறை கல்லார்குடி மக்களுக்கு பட்டா வழங்கப்பட்ட இடத்தில் போடப்பட்ட குடிசைகளை பிரித்தெரிந்தும் வனமக்களை இழிவாக பேசிய வனத்துறை அலுவலர்களைக் கண்டித்தும் முதல்வரின் உத்தரவை அமலாக்க கோரியும் சனிக்கிழமை காலை 10 மணிக்கு பொள்ளாச்சி துணை ஆட்சியர் அலுவலகம் முன் "கண்டன ஆர்ப்பாட்டம்"  நடத்தப்படும் என்று அறிவிக்கப்பட்டுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp