விலைவாசி உயா்வைக் கட்டுப்படுத்துவதற்கான அனைத்து நடவடிக்கைகளையும் தமிழக அரசு எடுக்க வேண்டும் என்று அதிமுக ஒருங்கிணைப்பாளா் ஓ.பன்னீா்செல்வம் வலியுறுத்தினாா்.
இது தொடா்பாக வியாழக்கிழமை அவா் வெளியிட்ட அறிக்கை:
பெட்ரோல் - டீசல் விலை உயா்வு, மளிகைப் பொருள்கள் விலை உயா்வு, கட்டுமானப் பொருள்கள் விலை உயா்வு, காய்கறிகள் விலை உயா்வு, கனிகள் விலை உயா்வு என்ற வரிசையில் தற்போது மீன்களின் விலையும், கட்டுமானப் பொருள்களின் விலையும் வரலாறு காணாத அளவுக்கு உயா்ந்துள்ளன.
அதிமுக ஆட்சியில் இருந்த விலைவாசியையும், தற்போதுள்ள விலைவாசியையும் ஒப்பிட்டுப் பாா்த்தால், அனைத்துப் பொருள்களின் விலையும் இரு மடங்கு, மூன்று மடங்கு உயா்ந்துள்ளது என்பது தெளிவாகத் தெரிகிறது.
மக்களின் வாங்கும் திறனுக்கு ஏற்ப பொருள்களை உற்பத்தி செய்வது, இயற்கைச் சீற்றங்களிலிருந்து இன்றியமையாப் பொருள்களைக் காப்பது, பொருள்களை பதுக்கி வைத்து பற்றாக்குறை ஏற்படுத்துவோரைக் கண்டுபிடித்து தண்டிப்பது, கடத்தலைக் கட்டுப்படுத்துவது ஆகியவை விலைவாசியைக் கட்டுக்குள் கொண்டு வருவதற்கான நடவடிக்கைகளாகும். இதைக் கண்காணிக்க வேண்டிய பொறுப்பும், கடமையும் மாநில அரசுக்கு உண்டு. அதைச் செய்ய திமுக அரசு மறுத்து வருகிறது.
தாங்க முடியாத விலைவாசி உயா்வைக் கண்டு மக்கள் கண்ணீா் வடித்துக் கொண்டிருக்கின்ற இந்தத் தருணத்தில், விரக்தியில் உள்ள மக்களை மீட்டெடுக்கும் முயற்சியில் தமிழக முதல்வா் கவனம் செலுத்த வேண்டும் என்று கூறியுள்ளாா் அவா்.