சட்டப் பேரவையில் முதல்வா் மு.க.ஸ்டாலின் ஆற்றிய உரைகளின் தொகுப்பு சனிக்கிழமை வெளியிடப்பட்டது.
திமுக தலைமை அலுவலகமான அண்ணா அறிவாலயத்தில், மாவட்டச் செயலாளா்கள், எம்.எல்.ஏ.,க்கள், எம்.பி.,க்கள் கூட்டம் சனிக்கிழமை நடந்தது. அந்த நிகழ்வில் கட்சியின் பொதுச் செயலாளரும், அமைச்சருமான துரைமுருகன் நூல்களை வெளியிட, பொருளாளரும், நாடாளுமன்ற திமுக குழுத் தலைவருமான டி.ஆா்.பாலு பெற்றுக் கொண்டாா்.
கடந்த 1984-ஆம் ஆண்டில் இருந்து சட்டப் பேரவைத் தோ்தலில் மு.க.ஸ்டாலின் போட்டியிட்டு ஏழு முறை வெற்றிகளைப் பெற்றுள்ளாா். சென்னை ஆயிரம் விளக்கு, கொளத்தூா் ஆகிய தொகுதிகளில் போட்டியிட்டுள்ளாா். திமுக ஆளும்
கட்சியாகவும், எதிா்க்கட்சியாகவும் பேரவையில் இடம்பெற்ற தருணங்களில் அவா் ஆற்றிய உரைகள் அனைத்தும் தொகுக்கப்பட்டுள்ளன. இந்த உரைகள் மூன்று தொகுதிகளாக பிரிக்கப்பட்டுள்ளன. இந்தத் தொகுப்புகளை அமைச்சா் துரைமுருகன் வெளியிட, டி.ஆா்.பாலு பெற்றுக் கொண்டாா்.
1984-ஆம் ஆண்டு நடந்த தோ்தலில் ஆயிரம் விளக்குத் தொகுதியில் போட்டியிட்டாா். இதன்பின், 1989, 1991, 1996, 2001 மற்றும் 2006 ஆகிய ஆண்டுகளில் அந்தத் தொகுதியிலேயே போட்டியிட்டாா். 2011, 2016, 2021 ஆகிய ஆண்டுகளில் நடந்த சட்டப் பேரவைத் தோ்தல்களில் கொளத்தூா் தொகுதியில் போட்டியிட்டு வென்றாா். 2006-2011 திமுக ஆட்சிக் காலத்தில் துணை முதல்வரானாா், மு.க.ஸ்டாலின். இதன்பின்பு, 2016-ஆம் ஆண்டில் எதிா்க்கட்சித் தலைவராக செயல்பட்டாா். 2021 சட்டப் பேரவைத் தோ்தலில் வெற்றி பெற்று, தமிழகத்தின் முதல்வராகப் பொறுப்பேற்றாா். இந்த காலகட்டங்களில் சட்டப் பேரவையில் அவா் ஆற்றிய அனைத்து உரைகளும் புத்தகங்களாக தொகுக்கப்பட்டுள்ளன.