Enable Javscript for better performance
தமிழகத்தில் 35 ஆயிரம் கோயில்கள் முறையாக பராமரிக்கப்படவில்லை: மத்திய அமைச்சர் குற்றச்சாட்டு- Dinamani

உடனுக்கு உடன் செய்திகள்

    முகப்பு தமிழ்நாடு

    தமிழகத்தில் 35 ஆயிரம் கோயில்கள் முறையாக பராமரிக்கப்படவில்லை: மத்திய அமைச்சர் குற்றச்சாட்டு

    By DIN  |   Published On : 24th December 2021 03:50 PM  |   Last Updated : 24th December 2021 03:50 PM  |  அ+அ அ-  |  

    காஞ்சிபுரம் கைலாசநாதர் கோயிலில் உள்ள கலைநயம் மிக்க சிற்பங்களை பார்வையிடும் மத்திய வெளியுறவு,கலாச்சாரம் மற்றும் தொல்லியல்துறை அமைச்சர் மீனாட்சி லேகி.

    காஞ்சிபுரம் கைலாசநாதர் கோயிலில் உள்ள கலைநயம் மிக்க சிற்பங்களை பார்வையிடும் மத்திய வெளியுறவு,கலாச்சாரம் மற்றும் தொல்லியல்துறை அமைச்சர் மீனாட்சி லேகி.

     

    காஞ்சிபுரம்: தமிழகத்தில் 35 ஆயிரம் கோயில்கள் முறையாக பராமரிக்கப்படவில்லை எனவும் மத்திய வெளியுறவு,கலாச்சாரம் மற்றும் தொல்லியல்துறை அமைச்சர் மீனாட்சி லேகி வெள்ளிக்கிழமை காஞ்சிபுரத்தில் தெரிவித்தார்.

    மத்திய வெளியுறவு, கலாச்சாரம் மற்றும் தொல்லியல்துறையின் அமைச்சர் மீனாட்சி லேகி காஞ்சிபுரத்தில் தொல்லியல் துறையின் கட்டுப்பாட்டில் இருந்து வரும் கைலாசநாதர் கோயிலில் சுவாமி தரிசனம் செய்தார். 

    பின்னர், ஆலய வளாகத்தில் உள்ள சிற்பங்களின் கலைநுணுக்கங்களையும் பார்வையிட்டார். 

    இதனைத் தொடர்ந்து அவர் செய்தியாளர்களிடம் கூறியதாவது: 
    தமிழகத்தில் இந்து சமய அறநிலையத்துறையின் கட்டுப்பாட்டில் உள்ள 35 ஆயிரம் கோயில்கள் முறையாக பராமரிக்கப்படாமல் இருந்து வருகிறது. உதாரணமாக கன்னியாகுமரி கோயிலையும் சொல்லலாம். கன்னியாகுமரி பகவதி அம்மன் அணிந்திருந்த மூக்குத்தியிலிருந்து வரும் ஒளியானது கடலில் கப்பல்கள் செல்ல இடையூறாக இருக்கிறது என 18 வது நூற்றாண்டில் பிரிட்டிஷார் அக்கோயிலின் கிழக்கு வாசலை மூடியிருக்கிறார்கள்.

    தற்போது எவ்வளவோ தொழில்நுட்பம் வந்து விட்ட பிறகும் கோயிலின் கிழக்கு வாசல் கதவு இன்று வரை மூடியே இருக்கிறது.கோயில் கிழக்குவாசல் கதவை திறக்க வேண்டும்.

    இதையும் படிக்க | ரூ.40,000 ஆயிரம் சம்பளத்தில் மத்திய அரசில் கொட்டிக்கிடக்கும் வேலை: விண்ணப்பிக்கலாம் வாங்க! 

    கன்னியாகுமரி ஊராட்சி நிர்வாகத்துக்கு மத்திய அரசின் சுற்றுலாத்துறை மூலம் நகரை அழகுபடுத்துவதற்கென நிதி அனுப்பப்பட்டிருந்தது. அந்நிதியைப் பயன்படுத்தி கன்னியாகுமரியில் போதுமான வசதிகள் செய்யப்படாமல் டைல்ஸ் மட்டுமே பதித்திருக்கிறார்கள். 

    தொல்லியல் துறையின் கட்டுப்பாட்டில் 5 ஆயிரம் கோயில்கள் இருந்தாலும் அதை முறையாக கண்காணித்து தேவையான வசதிகளை செய்து கொடுக்கிறோம். மேலும் என்னென்ன தேவைப்படும் என்பதை அறியவே காஞ்சிபுரம் வருகை தந்துள்ளேன்.

    காஞ்சிபுரத்தில் உள்ள கோயில்களின் வரலாறுகளும்,கலைச்சிற்பங்களும் வியக்கத்தக்கவையாகவே இருக்கின்றன.

    காஞ்சிபுரம் ஏகாம்பரநாதர் கோயில்,வரதராஜப் பெருமாள் கோயில் ஆகியனவற்றுக்கு இதுவரை அறங்காவலர்கள் கூட நியமிக்கப்படவில்லை. 

    இக்கோயில்களுக்கு ஏதேனும் உதவிகளோ அல்லது வசதிகளோ தேவைப்பட்டாலும் கடிதம் மூலம் என்னைத் தொடர்பு கொள்ளலாம் எனவும் மீனாட்சி லேகி தெரிவித்தார்.

    காஞ்சிபுரம் காமாட்சி அம்மன் கோயில்,வரதராஜப் பெருமாள் கோயில்,வைகுண்டப் பெருமாள் கோயில் உள்ளிட்ட கோயில்களிலும் மத்திய அமைச்சர் சுவாமி தரிசனம் செய்தார். 

    அமைச்சரது பேட்டியின் போது தொல்லியல்துறையின் கண்காணிப்பாளர் மு.காளிமுத்தன்,உதவிப் பொறியாளர் தி.சரவணன், ஆய்வாளர் ஆர்.ரமேஷ், வரதராஜப் பெருமாள் கோயில் செயல் அலுவலர் ந.தியாகராஜன், பாஜக கல்வியாளர் பிரிவு மாவட்ட தலைவர் சுபாஷ், அமைப்பு சாரா தொழிலாளர் சங்க மாநில துணைத் தலைவர் டி.கணேஷ் ஆகியோர் உள்பட பலரும் உடன் இருந்தனர்.

    இதையும் படிக்க | இசை கற்போர் பயிற்சி பள்ளி மாணவர்களுக்கு ரூ.3 ஆயிரம் உதவித்தொகை: மு.க.ஸ்டாலின் தொடங்கி வைத்தார்


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp