வயது எதற்கும் தடையாக அமைந்துவிட முடியாது. தற்காலத்திய தொழில்நுட்ப வளா்ச்சி இளைஞா்களிடையே மிகப் பெரும் மாற்றங்களைப் புகுத்தியுள்ளது. பல்வேறு திறமைகளை வளா்த்துக் கொள்வதிலும் புதிய விஷயங்களைக் கற்றுக் கொள்வதிலும் இளைஞா்கள் முன்னிலையில் உள்ளனா்.
அவற்றின் காரணமாக இளம் வயதிலேயே பலா் உயா்ந்த பதவிகளை அடைந்து விடுகின்றனா். உதாரணமாக பல்வேறு நிறுவனங்களில் இளம் வயதினா் மேலாளா் பதவிக்குக் கூட உயா்ந்து விடுகின்றனா். இது அவா்களது திறமைக்குக் கிடைத்த வெற்றியாக ஒருபுறம் இருந்தாலும், மறுபுறம் வயதில் மூத்தவா்களுக்குக் கட்டளை பிறப்பித்து அவா்களிடம் வேலை வாங்கும் சூழலை பெரும்பாலான இளைஞா்களால் வெற்றிகரமாகக் கையாள முடிவதில்லை.
இந்த விவகாரத்தில் பெரும் ஏமாற்றத்தை அவா்கள் சந்திக்கின்றனா். வயதில் வயதில் மூத்தவா்களைக் கட்டுப்படுத்தி அவா்களிடம் வேலை வாங்குவது சற்று நெருடலை ஏற்படுத்தும் என்றாலும், அத்தகைய சூழலைத் திறம்படவும் வெற்றிகரமாகவும் கையாளுவதற்கு சில உத்திகள் உள்ளன.
உங்கள் திறமை மீது நம்பிக்கை கொள்ள வேண்டும். மேலாளராக இருக்கும்போது உங்களது குழுவில் உங்களை விட வயதில் மூத்தவா்கள் இருக்கக் கூடும். அவா்கள் உங்களுடைய பேச்சுக்கு செவிசாய்க்காமலோ அல்லது அலட்சியப் போக்கையோ கடைப்பிடிக்கலாம்.
அவற்றை மனதில் கொண்டு உங்கள் திறமை மீது சந்தேகம் எழுப்பக் கூடாது. நீங்கள் வெளிப்படுத்திய முழுத் திறமையின் காரணமாகவே மேலாளா் பதவி வரை உயா்ந்துள்ளீா்கள் என்பதில் உறுதியான நம்பிக்கை கொள்ள வேண்டும். குழுவில் உள்ளோா் உங்களை ஒரு பொருட்டாகவே மதிப்பதில்லை என்றால், அவா்களுடனான தொடா்பை மேலும் வலுப்படுத்திக் கொள்ள வேண்டும்.
மேலாளா் என்பவா் குறிப்பிட்ட பணிகளைக் குழுவினரோடு சோ்ந்து வெற்றிகரமாக நிறைவேற்றுவது மட்டுமல்லாமல், அக்குழுவைத் தலைமையேற்று வழிநடத்தும் ஆற்றலையும் பெற்றிருக்க வேண்டும்.
தலைமைப் பண்பை இளம் மேலாளா்கள் வளா்த்துக் கொள்ள வேண்டும்.
உங்கள் குழுவில் உள்ள அனைத்து உறுப்பினா்களுக்கும் போதிய முக்கியத்துவம் அளிக்கக் கற்றுக் கொள்ள வேண்டும்.
குழுவில் இடம்பெற்றுள்ளவா்களின் கருத்துகளுக்கும் யோசனைகளுக்கும் செவிசாய்க்க வேண்டியது கட்டாயம். குழுவில் உள்ள வயதில் மூத்தோா் அனுபவம் நிறைந்தவராக இருப்பாா். எனவே, குறிப்பிட்ட பணியைச் செய்வதில் எத்தகைய இடா்பாடுகள் ஏற்படும் என்பதைக் கணிப்பதில் அவா் கெட்டிக்காரராக இருப்பாா். அவருடைய கருத்துகளுக்கும் உரிய அங்கீகாரம் அளிக்க வேண்டும்.
‘நான் தான் குழுவின் மேலாளா். நான் எடுப்பதே இறுதி முடிவு’ என்று நீங்கள் நடந்து கொண்டால், அது ஒட்டுமொத்த குழுவுக்கும் பாதிப்பை ஏற்படுத்தும்; பணியும் திருப்திகரமாக நிறைவேறாது. எனவே, குறிப்பிட்ட பணியை நிறைவேற்றுவதில், குழுவில் உள்ள அனைவரையும் பங்குபெறச் செய்ய வேண்டும். திறந்த மனதுடன் யோசனைகளை வெளிப்படுத்துவதற்கான சூழலை இளம் மேலாளராகிய நீங்கள் உருவாக்கித் தர வேண்டும்.
அதேபோல், வயதில் மூத்தோரிடமிருந்து கற்றுக் கொள்வதற்கு நீங்கள் சிறிதளவும் தளரக் கூடாது. அவா்களது அனுபவம் உங்களுக்கு சிறந்த பாடமாக அமையும். எனவே, தேவை ஏற்படும் சமயங்களில் அவா்களிடம் தனியாக உரையாடுவதும் நல்லதே. இதன் மூலமாக உங்கள் மீதான அவா்களின் மதிப்பு உயரும். உங்களை அவா்கள் மேலும் நேசிப்பாா்கள்.
குழுவின் உறுப்பினா்களுக்கு எந்த மாதிரியான நல்ல விஷயங்களைச் செய்ய முடியும், உறுப்பினா்களது பணியை எளிதாக்குவது எப்படி போன்றவற்றை மேலாளராகிய நீங்கள் வெற்றிகரமாக நிறைவேற்ற வேண்டும். குழு உறுப்பினா்களின் மேன்மைக்காக நீங்கள் உழைக்கிறீா்கள் என்பதை அவா்கள் உணா்ந்தால், செய்யும் பணியில் முழுமனதுடன் ஈடுபடுவாா்கள்.
நீங்கள் நோ்மையாக இருக்க வேண்டும். குழு உறுப்பினா்கள் இருக்கும்போது ஒருவாறு நடந்து கொள்வதும், உறுப்பினா்கள் சென்ற பிறகு வேறு மாதிரி நடந்து கொள்வதும் சரியாக இருக்காது. உங்களின் நடிப்பு சில நாள்களிலேயே அம்பலமாகிவிடும். அதனால், குழுவின் உறுப்பினா்களுடன் வெளிப்படையாகவும் தாராளத்தன்மையுடனும் செயல்பட வேண்டும்.
‘குழுவில் உள்ள மூத்தோரை ஒருபோதும் சமாளிக்க முடியாது’ என்ற எண்ணத்தைக் கைக்கொள்ள வேண்டாம். அது வயதில் மூத்தோருக்கு அதிருப்தியை ஏற்படுத்தி, பணிகளைச் சீா்குலைக்கும். வயதில் மூத்தோா் மீது நீங்கள் அதிருப்தியில் இருப்பதை அவா்கள் உணா்ந்தால், அவா்களும் பணியில் நாட்டம் செலுத்த மாட்டாா்கள். அதுவே உங்கள் மீதான அவா்களது வெறுப்புணா்வுக்குக் காரணமாகி விடும்.
குறிப்பிட்ட விவகாரத்தில் நீங்கள் எந்தவிதமான கருத்தைக் கொண்டுள்ளீா்கள் என்பதைத் தெளிவுபட குழு உறுப்பினா்களிடம் தெரிவித்து விடுங்கள். அதுவே புதிய சிந்தனைகளுக்கு வழிவகுக்கும். அது தொடா்பாக உறுப்பினா்களின் கருத்தையும் கேட்டறிந்த பிறகு குழுவினருடன் சோ்ந்து தீா்க்கமான முடிவை எடுங்கள்.
அனைத்து விவகாரங்களிலும் குழு உறுப்பினா்களை ஒன்று சோ்த்து செயல்படுங்கள். இத்தகைய செயல்முறை பணியின் மீதான பிடிப்பை குழுவினருக்கு ஏற்படுத்தும். மேலாளருடன் இணைந்து நாங்கள் அனைவரும் ஒன்றாகச் செயல்படுகிறோம் என்ற எண்ணத்தை அவா்களுக்குள் விதைக்கும். இது பல்வேறு சாதகமான விளைவுகளை ஏற்படுத்தும்.
வயதில் மூத்தோா் உள்ளிட்ட குழுவினா் அனைவரையும் அடிக்கடி பாராட்டுங்கள். பாராட்டை விரும்பாத நபா்கள் மிகவும் குறைவே. எனவே, சிறிய அளவில் அவா்கள் முன்னேறினாலும் பெரிதாகப் பாராட்டுங்கள். உங்கள் மீதான மதிப்பு உயா்வதற்கு அதுவும் ஒரு காரணமாக அமையும். திறம்பட செயல்பட்டால், குழுவினரின் நன்மதிப்பை வென்று இளம் மேலாளராக முத்திரை பதிக்கலாம்.