Enable Javscript for better performance
ஜிஎஸ்டி இழப்பீடு தொகை: 13 - ஆவது தவணையாக தமிழகத்திற்கு ரூ.339.70 கோடி ஒதுக்கீடு- Dinamani



    ஜிஎஸ்டி இழப்பீடு தொகை: 13 - ஆவது தவணையாக தமிழகத்திற்கு ரூ.339.70 கோடி ஒதுக்கீடு

    By DIN  |   Published on : 26th January 2021 01:48 AM  |   அ+அ அ-   |    |  

    Firm busted for availing benefit from bogus invoices of around Rs.685 crore

    போலி ரசீதுகள் மூலம் ரூ.685 கோடி ஜிஎஸ்டி முறைகேடு; ஒருவர் கைது

    புது தில்லி: ஜிஎஸ்டி இழப்பீடு தொகையின் 13வது தவணையாக ரூ.6,000 கோடியை மாநிலங்களுக்கு திங்கள்கிழமை மத்திய அரசு ஒதுக்கீடு செய்தது. இதில் தமிழகத்துக்கு ரூ.339.70 கோடியும், புதுச்சேரிக்கு ரூ. 39.40 கோடியும் ஒதுக்கப்பட்டுள்ளது.

    சரக்கு மற்றும் சேவை வரி (ஜிஎஸ்டி) அமல்படுத்தப்பட்டதன் மூலம் மாநிலங்களுக்கு வருவாய் பற்றாக்குறை ஏற்பட்டதன் காரணமாக ரூ.1.10 லட்சம் கோடி வரை சிறப்பு சாளரத்தின் கீழ் கடனாக பெற மத்திய அரசு அனுமதியளித்து வருகிறது. இதில் தற்போது 13 - வது தவணையாக 23 மாநிலங்களுக்கும் 3 யூனியன் பிரதேசத்திற்கும் ரூ.6,000 கோடிக்கான அனுமதியை திங்கள்கிழமை மத்திய நிதித்துறை வழங்கியுள்ளது. இதிலிருந்து 23 மாநிலங்களுக்கு ரூ. 5,516.60 கோடியும், தில்லி, ஜம்மு-காஷ்மீா், புதுச்சேரி ஆகிய மூன்று யூனியன் பிரதேசங்களுக்கு ரூ. 483.40 கோடியும் வழங்கப்பட்டுள்ளது. இந்த 13 -வது தவணையில் தமிழகத்திற்கு ரூ. 339.70 கோடியும் புதுச்சேரிக்கு ரூ. 39.40 கோடியும் வழங்கப்பட்டுள்ளது.

    இதுவரை, ஜிஎஸ்டி அமலாக்கத்தால் ஏற்பட்ட வருவாய் பற்றாக்குறையில், 70 சதவீதம் இழப்பீடாக வழங்கப்பட்டுள்ளது. இத்துடன் சோ்த்து மாநிலங்களுக்கு மொத்தம் ரூ.71,099.56 கோடியும், சட்டப்பேரவையுடன் கூடிய 3 யூனியன் பிரதேசங்களுக்கு ரூ. 6,900.44 கோடியும் வழங்கப்பட்டுள்ளது.

    மாநிலங்களுக்கு ஒதுக்கப்படும் இந்த தொகை, 5.3 சதவீத வட்டியில் கடனாகப் பெறப்பட்டுள்ளது. மொத்த மாநில உற்பத்தியில் 0.50 சதவீத அளவுக்கு கடனை பெற அனுமதிக்கப்படுகிறது.

    மொத்த தமிழக உற்பத்தியில் ரூ.9627 கோடியாக அளவிடப்பட்டது. இதில் தமிழகத்திற்கு ரூ.4890.14 கோடியும், புதுச்சேரிக்கு ரூ.525.14 கோடி சிறப்பு சாளர அடிப்படையில் கூடுதலாக கடன் திரட்ட அனுமதி வழங்கப்பட்டுள்ளது.

    இதில் அருணாச்சலப் பிரதேசம், மணிப்பூா், மிஸோரம், நாகலாந்து, சிக்கிம் ஆகிய மீதமுள்ள ஐந்து மாநிலங்களில் ஜிஎஸ்டி அமலாக்கத்தால் வருவாய் பற்றாக்குறை ஏற்படாததால் இந்த மாநிலம் ஒதுக்கீட்டை பெறவில்லை என்பது குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp