Enable Javscript for better performance
தைப்பூசம்: வடலூர் வள்ளலார் தெய்வ நிலையத்தில் ஜோதி தரிசனம்- Dinamani

சுடச்சுட

    தைப்பூசம்: வடலூர் வள்ளலார் தெய்வ நிலையத்தில் ஜோதி தரிசனம்

    By DIN  |   Published on : 28th January 2021 10:24 AM  |   அ+அ அ-   |    |  

    vadalur4

    வடலூரில் வள்ளலார் ஜோதி தரிசனம்


    கடலூர்: கடலூா் மாவட்டம், வடலூரில் அமைந்துள்ள திருவருள்பிரகாச வள்ளலாா் தெய்வ நிலையத்தில் தைப்பூச ஜோதி தரிசனப் பெருவிழா வியாழக்கிழமை நடைபெற்றது.

    கடலூர் மாவட்டம் வடலூரில் இந்து சமய அறநிலையத் துறையின் கட்டுப்பாட்டின் கீழ் திருஅருள்பிரகாச வள்ளலார் தெய்வ நிலையம் அமைந்துள்ளது. இந்தத் தெய்வ நிலையத்தில் மாதந்தோறும் பூசம் நட்சத்திரத்தன்று ஜோதி தரிசனம் நடைபெறும். இதில், தை மாதத்தில் வரும் ஜோதி தரிசனம் மிகவும் சிறப்பு வாய்ந்தாகும். 

    அதன்படி, 150-ஆவது ஆண்டு தைப்பூச ஜோதி தரிசன பெருவிழாவுக்கான கொடியேற்றம் புதன்கிழமை நடைபெற்றது.

    முன்னதாக, அதிகாலை அருள்பெருஞ்ஜோதி அகவல் பாராயணம் நடைபெற்றது. 

    வடலூரில் வள்ளலார் ஜோதி தரிசனம்

    இதைத் தொடர்ந்து, வடலூரில் உள்ள சத்திய தரும சாலையில் வள்ளலாரின் அகவலை பாராயணம் செய்தவாறு சன்மார்க்க கொடியை வள்ளலார் அன்பர்கள் ஏற்றினர். அப்போது, "அருள்பெருஞ்ஜோதி அருள்பெருஞ்ஜோதி... தனிப் பெருங்கருணை அருள்பெருஞ்ஜோதி...' என்று பக்தர்கள் பக்தி முழக்கம் எழுப்பினர்.

    தொடர்ந்து, மருதூரில் உள்ள வள்ளலார் சன்னதி, நற்கருங்குழியில் உள்ள வள்ளலார் சன்னதி, பார்வதிபுரத்தில் உள்ள ஞான சபை ஆகிய இடங்களில் அகவல் பாராயணம் செய்யப்பட்டு, கொடியேற்றம் நடைபெற்றது.
    முன்னதாக, அந்தந்தக் கிராமத்தினர் கொடியை ஊர்வலமாக எடுத்து வந்தனர். தொடர்ந்து, தரும சாலையில் சன்மார்க்க சொற்பொழிவு நடைபெற்றது. 

    திருவருள்பிரகாச வள்ளலாா் தெய்வ நிலையம்​

    ஜோதி தரிசனம்: வியாழக்கிழமை விழாவின் முக்கிய நிகழ்வான ஜோதி தரிசனம் நடைபெற்றது. காலை 6 மணிக்கு ஏழு திரைகள் விலக்கப்பட்டு ஜோதி தரிசனம் காண்பிக்கப்பட்டது. தொடர்ந்து 10 மணி, நண்பகல் 1 மணி, இரவு 7 மணி, 10 மணி ஆகிய நேரங்களிலும், நாளை வெள்ளிக்கிழமை காலை 5.30 மணி ஆகிய ஆறு காலங்களில் 7 திரைகள் நீக்கப்பட்டு ஜோதி தரிசனம் நடைபெறுகிறது. ஜன. 30 -ஆம் தேதி சித்திவளாக திருவறை தரிசன நிகழ்வு நடைபெறும். 

    ஜோதி தரிசன விழாவை முன்னிட்டு, பல்வேறு பகுதிகளில் இருந்து வடலூருக்கு சிறப்பு பேருந்துகள் இயக்கப்படுகின்றன. பல்வேறு பகுதிகளில் அன்னதானம் வழங்கப்பட்டு வருகிறது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp