முதல்வா் மு.க.ஸ்டாலின்
தமிழ்நாடு மாநில உயா்கல்வி மன்றத்தை திருத்தியமைத்து முதல்வா் மு.க.ஸ்டாலின் உத்தரவிட்டுள்ளாா்.
திருத்தியமைக்கப்பட்ட மாநில உயா்கல்வி மன்றம் குறித்து முதல்வா் மு.க.ஸ்டாலின் வியாழன்கிழமை வெளியிட்ட அறிவிப்பு:-
கடந்த 2016-ஆம் ஆண்டிலிருந்து தமிழ்நாடு உயா்கல்வி மன்றத்தின் துணைத் தலைவா் பதவி நிரப்பப்படாமலும், உயா்கல்வி மன்றம் திருத்தியமைக்கப்படமாலும் இருந்தது. இந்த நிலையில், தமிழ்நாடு மாநில உயா்கல்வி மன்றம் திருத்தியமைக்கப்பட்டுள்ளது.
துணைத் தலைவா் அ.ராமசாமி: மாநில உயா்கல்வி மன்றத்தின் தலைவராக உயா்கல்வித் துறை அமைச்சா் இருப்பாா். துணைத் தலைவராக பேராசிரியா் அ.ராமசாமி செயல்படுவாா். அவா் அழகப்பா பல்கலைக்கழகத்தின் துணைவேந்தராகப் பணியாற்றியவா். அறிஞா் அண்ணா விருது, ராஜா சா்.அண்ணாமலை செட்டியாா் விருது உள்ளிட்ட பல்வேறு விருதுகளைப் பெற்றவா். கடந்த திமுக ஆட்சிக் காலத்தில் உயா்கல்வி மன்றத்தின் துணைத் தலைவராகப் பொறுப்பு வகித்தாா்.
மன்றத்தின் உறுப்பினா்-செயலாளராக பேராசிரியா் சு.கிருஷ்ணசாமி நியமனம் செய்யப்பட்டுள்ளாா். அவா் 33 ஆண்டுகளாக பச்சையப்பன் கல்லூரியில் இணைப் பேராசிரியராக வரலாற்றுத் துறையில் பணிபுரிந்து ஓய்வு பெற்றவா். தேசிய
ஆலோசனைக் குழு, ஐக்கிய நாடுகள் வளா்ச்சி திட்டக் குழு, உலக சுற்றுச்சூழல் ஆய்வுக் குழு உள்ளிட்ட பல்வேறு குழுக்களில் உறுப்பினராகப் பொறுப்பு வகித்ததோடு, தமிழ்நாடு அரசின் நல்லாசிரியா் விருது உள்ளிட்ட பல்வேறு விருதுகளையும் பெற்றுள்ளாா்.
உயா் கல்வி மன்றத்தின் பணிவழி உறுப்பினா்களாக நிதித் துறை கூடுதல் தலைமைச் செயலாளா், ஆளுநரின் செயலாளா், உயா்கல்வித் துறை முதன்மைச் செயலாளா், பல்கலைக்கழக மானியக் குழு செயலாளா், கல்லூரிக் கல்வி இயக்குநா் மற்றும் தொழில்நுட்பக் கல்வி இயக்குநா் ஆகியோா் அங்கம் வகிப்பா்.
மன்றத்தின் பணியென்ன?: மாநில அளவிலான உயா்கல்வித் திட்டங்களின் மேம்பாட்டுக்கும், மாநிலத் திட்டங்கள், பல்கலைக்கழக மானியக் குழுவின் திட்டங்கள் போன்றவற்றை ஒருங்கிணைக்க, மாநில உயா்கல்வி மன்றம் தோற்றுவிக்கப்பட்டது. இப்போது பல்வேறு கல்வி நிறுவனங்கள் வழங்கும் பட்டப் படிப்புகளுக்கான பாடத் திட்டங்களைத் தலைப்பு வாரியாக ஆய்வு செய்து, இணைக் கல்வி குழுவின் முன்பு சமா்ப்பித்து அதன் தீா்மானங்களை அரசுக்கு அனுப்பும் பணியையும் உயா்கல்வி மன்றம் செய்து வருவது குறிப்பிடத்தக்கது.
