தமிழ்நாடு முதல்வர் மு.க.ஸ்டாலின் நாளை (ஜூலை 18) தில்லி செல்ல உள்ளார்.
கர்நாடகம் தமிழ்நாடு இடையே மேக்கேதாட்டு அணை பிரச்னை நிலவி வரும் நிலையில் தமிழ்நாடு முதல்வர் மு.க.ஸ்டாலின் ஞாயிற்றுக்கிழமை (ஜூலை 18) இரவு தில்லி செல்ல உள்ளது அரசியல் முக்கியத்துவம் வாய்ந்ததாக பார்க்கப்படுகிறது.
மேக்கேதாட்டு அணை கட்டுமான அனுமதி தொடர்பாக கர்நாடக முதல்வர் எடியூரப்பா பிரதமர் மோடியை சந்தித்து பேசியுள்ளார். இந்நிலையில் தில்லி செல்லும் முதல்வர் மு.க.ஸ்டாலின் திங்கள்கிழமை குடியரசுத் தலைவர் ராம்நாத் கோவிந்த்தை நேரில் சந்தித்துப் பேச உள்ளார்.
முதல்வராக மு.க.ஸ்டாலின் பதவியேற்றபின் குடியரசுத் தலைவருடனான முதல் சந்திப்பு இது என்பதால் அரசியல் அரங்கில் பரபரப்பு கூடியுள்ளது.