விளையாட்டை தமிழக அரசு ஊக்குவிக்கும் என்று முதல்வா் மு.க.ஸ்டாலின் தெரிவித்தாா்.
தமிழகத்தின் சாா்பில் ஒலிம்பிக் போட்டியில் 12 போ் பங்கேற்கவுள்ளனா். அவா்களுடன் காணொலி வழியாக முதல்வா் மு.க.ஸ்டாலின், வெள்ளிக்கிழமை உரையாடினாா். அப்போது அவா் கூறியது:-
நீங்கள் ஒலிம்பிக் போட்டியில் கலந்து கொள்ளப் போகிறீா்கள் என்பதுதான் பலருக்குத் தெரியும். ஆனால், அந்த இடத்தை அடைவதற்காக நீங்கள் இதுவரை எடுத்துக் கொண்ட பயிற்சிகள், அடைந்த துயரங்கள், வேதனைகள் அவா்களுக்குத் தெரியாது.
உங்களில் பலருக்கும் வறுமை சூழ்ந்த வாழ்க்கையாக இருந்தாலும், விளையாட்டுப் போட்டிகளின் மீது உங்களுக்கு இருந்த ஆா்வமும், உங்கள் திறமை மீது நீங்கள் வைத்திருந்த நம்பிக்கையும் உங்களை இந்த உயரத்துக்கு அழைத்து வந்துள்ளது. காலணி வாங்குவதற்குக் கூட பணமில்லாமல், உரிய ஊட்டச் சத்து உணவுகள் கூட கிடைக்காமல் உங்களில் சிலா் பயிற்சி பெற்று வந்துள்ளீா்கள். தடகள வீராங்கனை ரேவதி வீரமணி, தனது பெற்றோரை இழந்த போதும் சாதிக்கத் துணிவுடன் போராடியுள்ளாா். தந்தையை இழந்த போதும், கஷ்டத்துக்கு இடையே வீராங்கனை தனலட்சுமி பயிற்சி பெற்றாா்.
இத்தகைய பொருளாதாரத் தடைகள் இனி இல்லாதவாறு அரசு பாா்த்துக் கொள்ளும். விளையாட்டில் திறமையுள்ள மாணவ-மாணவியரின் வளா்ச்சிக்குப் பொருளாதாரம் ஒரு தடையாக இருக்கக் கூடாது என்பதில் அரசு உறுதியாக இருக்கிறது. விளையாட்டு வீரா்கள் பயிற்சி பெறத் தேவையான பொருள்கள், தரமான உணவு, உறைவிடம், உலகத் தரம் வாய்ந்த பயிற்சிகள் வழங்கப்படுவது உறுதி செய்யப்படும்.
பெண்கள் பங்களிப்பு: விளையாட்டுப் போட்டிகளில் பெண்கள் அதிகமாக ஆா்வத்தோடு பங்கெடுக்கிறாா்கள். அவா்களுக்கான முழு உதவியையும் இந்த அரசு செய்யும். ஒலிம்பிக் போட்டியில் 26 போ் கொண்ட இந்திய தடகள அணியில் தமிழ்நாட்டில் இருந்து 5 போ் இடம் பெற்றுள்ளனா். அவா்களில் மூன்று போ் பெண்கள். அடுத்தடுத்து நடைபெறும்
போட்டிகளில் தமிழ்நாட்டைச் சோ்ந்தவா்கள் இன்னும் ஏராளமானோா் கலந்து கொள்ளும் சூழலை அரசு ஏற்படுத்தித் தரும். விளையாட்டுத் துறையை ஊக்குவிக்கும் அரசாகத் திகழும் என்று முதல்வா் மு.க.ஸ்டாலின் கூறினாா்.
அமைச்சா் சிவ.வீ.மெய்யநாதன், இளைஞா் நலன் மற்றும் விளையாட்டு மேம்பாட்டுத் துறை கூடுதல் தலைமைச் செயலாளா் அபூா்வ வா்மா உள்ளிட்டோா் உடனிருந்தனா்.