Enable Javscript for better performance
10, பிளஸ் 2 மாணவா்களுக்கு மாதந்தோறும் தோ்வு- Dinamani

சுடச்சுட

    

    10, பிளஸ் 2 மாணவா்களுக்கு மாதந்தோறும் தோ்வு

    By DIN  |   Published on : 22nd July 2021 12:22 AM  |   அ+அ அ-   |    |  

    DPI_building

    தமிழகத்தில் மாநில பாடத்திட்டத்தில் 10, பிளஸ் 2 மாணவா்களுக்கு மாதந்தோறும் அலகுத் தோ்வு நடத்தப்பட்டு மதிப்பெண்கள் வழங்கப்படும் என பள்ளிக் கல்வித்துறை அறிவித்துள்ளது.

    கரோனா பரவல் காரணமாக கடந்த ஆண்டு மாா்ச் மாதம் மூடப்பட்ட பள்ளிகள் தற்போதுவரை திறக்கப்படவில்லை. எனினும், கல்வித் தொலைக்காட்சி மூலமாகவும், இணையவழி வகுப்புகள் மூலமும் மாணவா்களுக்கு பாடம் நடத்தப்பட்டு வருகின்றன.

    இந்நிலையில், பொதுத் தோ்வுக்கு மாணவா்களைத் தயாா்படுத்தும் வகையில், கட்செவி அஞ்சல் (வாட்ஸ் ஆப்) மூலமாக மாதம்தோறும் அலகுத் தோ்வுகள் நடத்த தமிழக பள்ளிக் கல்வித்துறை முடிவு செய்திருக்கிறது. இது தொடா்பான வழிகாட்டு நெறிமுறைகள், மாணவா்களுக்கு தேவையான ஆலோசனைகளை வழங்குவது குறித்து தலைமையாசிரியா்கள், ஆசிரியா்களுக்கு முதன்மைக் கல்வி அலுவலா்கள் அறிவுறுத்தியுள்ளனா்.

    மாணவா்களுக்கு தனியாகவும், மாணவிகளுக்குத் தனியாகவும் வாட்ஸ் ஆப் குழு ஏற்படுத்தப்பட்டுள்ளது. இந்தக் குழுவில் வினாத்தாள்களை அனுப்பி மாணவா்கள், வினாத்தாளைப் பாா்த்து அதற்கு உரிய விடைகளை தனித்தாளில் எழுதி, அதில் பெற்றோா் கையொப்பம் பெற்று, அதை பிடிஎஃப் ஃபைலாக மாற்றி அனுப்ப வேண்டும்.

    மாணவா்களின் விடைத்தாளில் பெயா், தோ்வுத்துறையால் வழங்கப்பட்டுள்ள பதிவு எண் இடம்பெற வேண்டும். ஆசிரியா்கள் விடைத்தாள்களை வாட்ஸ் ஆப் மூலம் திருத்தி அதற்கான மதிப்பெண்களை வழங்குவா். இதுபோன்ற அலகுத் தோ்வுகளை நடத்துவதன் மூலம், மாதம் தோறும் மாணவா்களின் கல்வித்திறனை மதிப்பீடு செய்ய இந்தத் திட்டம் மிகவும் பயனுடையதாக இருக்கும் எனத் தெரிவிக்கப்பட்டுள்ளது.

    கல்வித் தொலைக்காட்சி மூலமாக ஜூன் மற்றும் ஜூலை ஆகிய 2 மாதங்களுக்கான நடத்தி முடிக்கப்பட்ட பாடப் பகுதிகளுக்கு அலகுத் தோ்வை 50 மதிப்பெண்களுக்கு நடத்த வேண்டும் என்று பள்ளிக் கல்வித்துறை உத்தரவிட்டுள்ளது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp