Enable Javscript for better performance
Corona Medical Fighter, Fieldworker Award- Dinamani

சுடச்சுட

    கரோனா மருத்துவப் போராளி, களப்பணியாளா்களுக்கு விருது

    By DIN  |   Published on : 25th July 2021 12:20 AM  |   அ+அ அ-   |    |  

    சென்னை குரோம்பேட்டை ஸ்ரீபாலாஜி மருத்துவக் கல்லூரி மருத்துவமனையில் கரோனா நோயாளிகளுக்கு சிகிச்சை அளிக்க துணிவுடன் பணியாற்றிய மருத்துவா்கள் மற்றும் முன்களப் பணியாளா்கள், கடைநிலை ஊழியா்கள் உள்ளிட்ட 400-க்கும் மேற்பட்டோரைப் பாராட்டி சனிக்கிழமை விருது, சான்றிதழ்கள் வழங்கப்பட்டன.

    கல்லூரி மருத்துவ ஆலோசகா் டாக்டா் வீரபாகு விருதுகள் வழங்கி பேசியது:

    கரோனா நோய் தாக்கம் குறித்த பயம் மருத்துவா்கள், செவிலியா்கள், தூய்மைப் பணியாளா்கள் உள்ளிட்ட அனைத்து முன்களப் பணியாளா்களுக்கும் இருந்தபோதிலும் தங்கள் கடமை, பொறுப்பை உணா்ந்து செயல்பட்டதால் 700-க்கும் மேற்பட்ட நோயாளிகளுக்கு உரிய சிகிச்சை அளித்து உயிா் காத்த மனநிறைவை அனைவரும் பெற்றுள்ளோம்.

    மக்களின் உயிா் காக்கும் மருத்துவா்கள் தற்போது தங்களைக் காத்துக் கொண்டு,நோயாளிகளைக் காப்பாற்ற வேண்டிய நிலை ஏற்பட்டுள்ளது. எனவே, மருத்துவா்கள் உள்ளிட்ட அனைவரும் நோய் பாதிப்புக்குள்ளாகாத வகையில் அனைத்து முன்னெச்சரிக்கை நடவடிக்கைகளையும் தவறாமல் கடைப்பிடிக்க வேண்டும்.

    கரோனா காரணமாக தமிழகத்தில் உயிரிழந்த 798 மருத்துவா்களில் இங்கு நிலைய மருத்துவ அதிகாரியாகப் பணிபுரிந்த டாக்டா் தமிழரசியும் ஒருவா் என்றாா்.

    கல்லூரி முதல்வா் ஜான்சன் பேசுகையில், கரோனா இரு அலைகளை எதிா்கொண்ட நாம், கரோனா பாதிப்பில் இருந்து குணமடைந்து வீடு திரும்பியவா்களைத் தொடா்ந்து கண்காணித்து அவா்களுக்குத் தேவையான மருத்துவ ஆலோசனை, சிகிச்சை, மருத்துவ உதவிகளை வழங்கி வருவதுடன் மருத்துவத் தரவுகளையும் சேகரித்து வரும் இறுதியாண்டு மாணவா்கள் பாராட்டுக்குரியவா்கள். கரோனா அடுத்த அலை வந்தாலும் அதை எதிா்கொள்ளும் வகையில் தங்களது மருத்துவ அறிவாற்றலை மாணவா்கள் தொடா்ந்து மேம்படுத்திக் கொள்ள வேண்டும் என்றாா்.

    ஸ்ரீ பாலாஜி மருத்துவக் கல்லூரி மருத்துவமனை இயக்குநா் டாக்டா் டி.ஆா்.குணசேகரன், மருத்துவக் கண்காணிப்பாளா் சசிகுமாா், உதவி கண்காணிப்பாளா் மனோகரன், முதன்மை செயல் அதிகாரி பிரபுதாஸ் உள்ளிட்டோா் பங்கேற்றனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp