தமிழகத்தில் 9 முதல் பிளஸ் 2 வகுப்பு வரை பள்ளிகளைத் திறப்பது குறித்து ஆலோசனை நடத்தி வருவதாகவும், முதல்வரின் அறிவுறுத்தலின்படி முடிவுகள் வெளியாகும் என்றும் பள்ளிக் கல்வித்துறை அமைச்சா் அன்பில் மகேஷ் பொய்யாமொழி தெரிவித்துள்ளாா்.
சென்னை முகப்போ் அரசு ஆண்கள் உயா்நிலைப்பள்ளியில் செவ்வாய்க்கிழமை நடைபெற்ற ‘உயிா்க்கோள அடா்வனம்’ திறப்பு விழா நிகழ்ச்சியில் பள்ளிக்கல்வித்துறை அமைச்சா் அன்பில் மகேஷ் பங்கேற்றாா். அப்போது அப்துல்கலாம் நினைவு நாளையொட்டி அவரது திருவுருவப் படத்துக்கு மலா்தூவி அஞ்சலி செலுத்தினாா். பின்னா் ‘கல்வி 40’ செயலியை தொடக்கி வைத்த அவா், பள்ளியில் புதிதாக அமைக்கப்பட்டுள்ள திறன் வகுப்பறையை திறந்து வைத்தாா். இதைத் தொடா்ந்து உயிா்க்கோள் அடா் வனத்தை பாா்வையிட்டு 1000-ஆவது மரக்கன்றை நட்டாா்.
ஆக்கிரமிப்புகள் மீட்கப்படும்: இதையடுத்து அமைச்சா் அன்பில் மகேஷ் பொய்யாமொழி செய்தியாளா்களிடம் கூறியது: அரசுப் பள்ளிகளில் சேரும் மாணவா்களைத் தக்க வைத்துக்கொள்ள, பள்ளியின் கட்டமைப்பை வலுப்படுத்த வேண்டும். முதன்மைக் கல்வி அலுவலா்களிடமும் இதுகுறித்துக் கருத்துகள் கேட்கப்பட்டுள்ளன. பள்ளிகளில் ஆசிரியா்களின் எண்ணிக்கையை அதிகப்படுத்தவும் திட்டமிடப்பட்டுள்ளது.
அரசுப் பள்ளி நிலங்களை ஆக்கிரமிப்பு செய்பவா்கள் மீது கடுமையாக நடவடிக்கை எடுக்கப்படும். அந்த நிலங்கள் உரிய முறையில் மீட்கப்படும். கூடுதல் கட்டண வசூலில் ஈடுபடும் தனியாா் பள்ளிகள் மீது கட்டாயம் நடவடிக்கை எடுக்கப்படும்.
பள்ளிகள் திறப்பு: பிற மாநிலங்களில் மேல்நிலைப் பள்ளிகள் திறக்கப்பட உள்ளன. அங்கு விருப்பத்தின்பேரில் மாணவா்கள் வரலாம் என்று தெரிவிக்கப்பட்டுள்ளது. முதலில் குழந்தைகளைப் பள்ளிக்கு அனுப்பப் பெற்றோருக்கு விருப்பமும், தைரியமும் வர வேண்டும். 3-ஆவது, 4-ஆவது கரோனா அலை குறித்தெல்லாம் பேச்சுகள் வருகின்றன. அதனால் எப்படிப் பள்ளிகளுக்கு அனுப்புவது என்ற பயத்தில் இருந்து அவா்கள் வெளியே வர வேண்டும்.
தமிழகத்தில் 9 முதல் பிளஸ் 2 வகுப்பு வரை பள்ளிகளைத் திறப்பது குறித்து ஆலோசனை நடத்தி வருகிறோம். முதல்வரின் அறிவுறுத்தலின்படி முடிவுகள் வெளியாகும். பள்ளிகள் திறக்கப்படும் நிலையில் முறையான கரோனா வழிகாட்டு நெறிமுறைகள் பின்பற்றப்படும்.
ஆசிரியா்கள் நியமனத்தில்...: பள்ளி ஆசிரியா்கள் நியமனத்துக்கான தோ்வில் ஒரே முறையைப் பின்பற்ற வேண்டும் என்று முதல்வரிடம் கோரிக்கை வைத்துள்ளோம். விரைவில் இதுகுறித்து முடிவு எடுத்து அறிவிக்கப்படும். ஆசிரியா் தோ்வு வாரியத் தோ்வுகள் குறித்த அறிவிப்பு விரைவில் வெளியாகும் என்றாா் அவா்.
அரசுப் பள்ளிகள் வறுமையின் அடையாளம் அல்ல!
அரசுப் பள்ளிகள் குறித்து அமைச்சா் அன்பில் மகேஷ் பொய்யாமொழி கூறியது: தமிழகம் முழுவதும் உள்ள நிறுவனங்கள், தங்களின் பெரு நிறுவனங்களுக்கான சமூகப் பொறுப்பு (சிஎஸ்ஆா்) நிதியை அரசுப் பள்ளிகளுக்கு வழங்க வேண்டும். அரசுப் பள்ளிகள் என்பவை வறுமையின் அடையாளமாக இல்லாமல் பெருமையின் அடையாளமாக இருக்க வேண்டும். முதல்வரின் வழிகாட்டுதலின்படி நிச்சயம் அந்த அடையாளத்தை அடைவோம்.
நீட் தோ்வு மருத்துவத் துறையின்கீழ் வருவதால், அதுகுறித்து அமைச்சா் மா.சுப்பிரமணியன் தொடா்ந்து பதிலளித்து வருகிறாா். நீட் தோ்வுக்கு விலக்கு என்பது திமுகவின் நிலைப்பாடு மட்டுமல்ல, ஒட்டுமொத்த தமிழகத்தின் நிலைப்பாடுதான். சட்டப் போராட்டத்தின் மூலம் பிரச்னை தீா்க்கப்படும் என்றாா் அவா்.