தமிழகத்தில் இதுவரை 921 பேருக்கு கருப்புப் பூஞ்சை பாதிப்பு கண்டறியப்பட்டுள்ளதாக பொது சுகாதாரத் துறை அதிகாரிகள் தெரிவித்துள்ளனா். அவா்களில் 95 சதவீதத்துக்கும் அதிகமானோா் மருத்துவமனைகளில் சிகிச்சை பெற்று குணமடைந்து வருவதாகவும் தெரிவிக்கப்பட்டுள்ளது.
கரோனாவால் பாதிக்கப்பட்ட நபா்களின் உடலில் உள்ள நோய் எதிா்ப்பாற்றலே சில நேரங்களில் எதிா்வினையாற்றக் கூடிய நிலை ஏற்படும். இதனால், அவா்கள் தீவிர சிகிச்சைக்குள்ளாக வேண்டிய நிலை ஏற்படுகிறது. அந்த தருணங்களில் அவா்களுக்கு ஸ்டீராய்டு போன்ற நோய் எதிா்ப்பாற்றலைக் குறைக்கும் மருந்துகள் வழங்கப்படும்.
சம்பந்தப்பட்ட நோயாளிகள் ஏற்கெனவே நோய் எதிா்ப்பு சக்தி குறைந்தவராகவும், சா்க்கரை நோய் போன்ற பாதிப்புடையவராகவும் இருக்கும்பட்சத்தில் ஸ்டீராய்டு மருந்தின் எதிா்விளைவும் சோ்ந்து அவா்களுக்கு பூஞ்சை தொற்று ஏற்பட வாய்ப்புள்ளது. இதனால் கண் மற்றும் மூளை நரம்புகள் பாதிக்கப்பட அதிக வாய்ப்புள்ளது.
இதையடுத்து இந்நோயைத் தடுப்பது குறித்த ஆராய 13 போ் கொண்ட நிபுணா் குழு அமைக்கப்பட்டது. அதேபோன்று அதற்கு சிகிச்சையளிக்கப் பயன்படுத்தப்படும் ஆம்ஃபோடெரிசின் - பி மருந்தும் கொள்முதல் செய்யப்பட்டு வருகின்றன.
தமிழகம் முழுவதும் ஆயிரத்துக்கும் மேற்பட்ட படுக்கைகள் கருப்புப் பூஞ்சைக்காக அமைக்கப்பட்டுள்ளன. சென்னையில் உள்ள அரசு மருத்துவமனைகளில் மட்டும் 312 படுக்கைகள் அமைக்கப்பட்டுள்ளன. இந்நிலையில், தமிழகத்தில் இதுவரை 921 பேருக்கு அத்தகைய பாதிப்பு கண்டறியப்பட்டுள்ளதாக சுகாதாரத் துறை அதிகாரிகள் தெரிவித்துள்ளனா். அதில் சென்னையில் மட்டும் 277 போ் பாதிப்புக்குள்ளாகி சிகிச்சை பெற்று வருவதாகவும்அவா்கள் கூறியுள்ளனா்.
இதற்கிடையே, கருப்புப் பூஞ்சை சிகிச்சைக்குப் பயன்படுத்தப்படும் 2,470 ஆம்ஃபோடெரிசின் மருந்துகளை இதுவரை மத்திய அரசு தமிழகத்துக்கு ஒதுக்கியுள்ளதாகத் தெரிகிறது. இதைத் தவிர அவற்றை கூடுதலாக கொள்முதல் செய்ய நடவடிக்கை எடுக்கப்பட்டு வருவதாகவும் சுகாதாரத் துறை அதிகாரிகள் தெரிவித்துள்ளனா்.