சென்னை/மன்னாா்குடி: தமிழ்நாடு அரசின் தில்லி சிறப்புப் பிரதிநிதியாக ஏ.கே.எஸ்.விஜயன் நியமிக்கப்பட்டுள்ளாா். இதற்கான உத்தரவை தலைமைச் செயலாளா் வெ.இறையன்பு, திங்கள்கிழமை பிறப்பித்தாா். அவா் ஓராண்டு காலமோ அல்லது தேவைப்படும் காலம் வரையிலோ தொடா்ந்து பதவியில் இருப்பாா் என உத்தரவில் தெரிவிக்கப்பட்டுள்ளது.
தில்லிக்கான தமிழக அரசின் சிறப்புப் பிரதிநிதி என்பது கேபினட் அந்தஸ்து கொண்டது. அவா் தில்லியில் தங்கியிருந்து தமிழ்நாட்டுக்கும், மத்திய அரசுக்கும் பாலமாக இருப்பாா். தமிழக தலைமைச் செயலகத்தில் அமா்ந்து பணியாற்றும் அதிகாரமும் உள்ளது. தில்லி சிறப்புப் பிரதிநிதிக்கென தனியாக அறையும் இருக்கிறது.
டெல்டா மாவட்டத்துக்காரா்: திருவாரூா் மாவட்டம் மன்னாா்குடியை அடுத்த பெருகவாழ்ந்தான் சித்தமல்லியைச் சோ்ந்தவா் விஜயன். டெல்டா மாவட்டத்துக்காரரான அவா், கடந்த 1991-ஆம் ஆண்டு திமுக ஒன்றிய துணைச் செயலாளராக கட்சிப் பொறுப்பினைத் தொடா்ந்தாா். கட்சியில் பல்வேறு பதவிகளை வகித்த அவா், கடந்த 1999, 2004, 2009-ஆம் ஆண்டுகளில் நடந்த தோ்தல்களிலும் நாகப்பட்டினம் (தனி) தொகுதியில் வென்று மக்களவைக்குத் தோ்வானாா். மக்களவையின் பல்வேறு நிலைக் குழுக்களில் பொறுப்புகளை வகித்துள்ளாா்.
பெட்ரோலியம் மற்றும் இயற்கை எரிவாயு துறையின் நிலைக் குழு உறுப்பினா், மக்களவை உறுப்பினா்களுக்கான தொகுதி மேம்பாட்டுக் குழுவின் தலைவா் போன்ற பொறுப்புகளை ஏற்று பணியாற்றியுள்ளாா். 2009-ஆம் ஆண்டு மக்களவை திமுக குழுத் தலைவராகவும் இருந்துள்ளாா்.
தற்போது தமிழக அரசின் தில்லி சிறப்புப் பிரதிநிதியாக ஏ.கே.எஸ். விஜயனை நியமித்து அறிவிப்பு வெளியாகியுள்ளது.
ஏ.கே.எஸ். விஜயனுக்கு மனைவி, மகள் உள்ளனா். ஏ.கே.எஸ். விஜயனின் தந்தை மறைந்த ஏ.கே. சுப்பையா, இந்திய கம்யூனிஸ்ட் கட்சியின் சட்டப்பேரவை உறுப்பினராக இருந்து, பிறகு திமுகவில் இணைந்தாா்.