சென்னை: சென்னை எழும்பூா்-விழுப்புரம் மாா்க்கத்தில் எழும்பூா் ஜிஎஸ்என் யாா்டில் ரயில்வே பராமரிப்புப் பணி ஜூன் 30-ஆம் தேதி வரை நடைபெறவுள்ளதால், சென்னை எழும்பூா்-நாகா்கோவில் சிறப்பு ரயில் சேவையில் மாற்றம் செய்யப்படவுள்ளது.
அதன்விவரம்:
சென்னை எழும்பூா்-நாகா்கோவிலுக்கு ஜூன் 17, 24 ஆகிய தேதிகளில் மாலை 6.55 மணிக்கு இயக்கப்படும் சிறப்பு ரயில் (06063) சென்னை எழும்பூா்-தாம்பரம் இடையே பகுதி ரத்து செய்யப்படவுள்ளது. இந்த ரயில் தாம்பரத்தில் இருந்து இரவு 7.25 மணிக்கு புறப்படும்.
நாகா்கோவில்-சென்னை எழும்பூருக்கு ஜூன் 18, 25 ஆகிய தேதிகளில் மாலை 4.15 மணிக்கு இயக்கப்படும் சிறப்பு ரயில் (06064) தாம்பரம்-சென்னை எழும்பூா் இடையே பகுதி ரத்து செய்யப்படவுள்ளது.