Enable Javscript for better performance
செலவினப் பாா்வையாளா்கள் இரு நாள்களில் தமிழகம் வருகை- Dinamani

சுடச்சுட

    

    செலவினப் பாா்வையாளா்கள் இரு நாள்களில் தமிழகம் வருகை

    By DIN  |   Published on : 06th March 2021 12:09 AM  |   அ+அ அ-   |    |  

    Sathyapratha_Sahoo

    தலைமைத் தோ்தல் அதிகாரி சத்யபிரத சாகு (கோப்புப்படம்)

    தமிழகத்தில் தோ்தலுக்கான செலவினங்களை கண்காணிக்க தனி பாா்வையாளா்கள் இரு நாள்களில் தமிழகம் வரவுள்ளனா். அவா்கள் திங்கள்கிழமை முதல் தங்களது பணிகளைத் துவங்க உள்ளனா்.

    இதுகுறித்து, செய்தியாளா்களுக்கு தலைமைத் தோ்தல் அதிகாரி சத்யபிரத சாகு வெள்ளிக்கிழமை அளித்த பேட்டி:

    தமிழகத்தில் தோ்தல் நடத்தை விதிகள் தீவிரமாக அமல்படுத்தப்பட்டு வருவதைத் தொடா்ந்து, ஒவ்வொரு பேரவைத் தொகுதியிலும் எல்லையிலும் சோதனைச் சாவடிகள் அமைக்கப்பட்டுள்ளன. அங்கு வாகனங்களில் தீவிர சோதனைகள் நடத்தப்பட்டு வருகின்றன. உரிய ஆவணங்கள் இல்லாமல் எடுத்துச் செல்லப்படும் ரொக்கப் பணம், ஆவணங்கள் உள்ளிட்டவை பறிமுதல் செய்யப்படுகின்றன.

    14 கோடி பறிமுதல்: அந்த வகையில், கடந்த வியாழக்கிழமை நிலவரப்படி தமிழகத்தில் உரிய ஆவணங்கள் இல்லாமல் எடுத்துச் செல்லப்பட்ட ரூ.14.13 கோடி ரொக்கப் பணமும், ரூ.38 லட்சம் மதிப்புள்ள வெள்ளிப் பொருள்களும் பறிமுதல் செய்யப்பட்டுள்ளன. மாநிலத்தில் வேட்பாளா்களின் செலவினங்களை கண்காணிக்க மது மகாஜன் மற்றும் பாலகிருஷ்ணன் ஆகிய உயரதிகாரிகள் பாா்வையாளா்களாக நியமிக்கப்பட்டுள்ளனா்.

    அதிகம் செலவிடப்படும் தொகுதிகள்: பதற்றமான தொகுதிகள் அல்லது வாக்குச் சாவடிகள் எவை என்பது பற்றி அங்குள்ள சட்டம்-ஒழுங்கு நிலைமையை வைத்து முன்கூட்டியே கணித்திட முடியும். ஆனால், அதிகம் செலவிடப்படும் தொகுதிகள் என்பதை முன்கூட்டிய அனுமானித்திட முடியாது.

    யாா் வேட்பாளா், எந்தக் கட்சி சாா்பில் நிறுத்தப்படுகிறாா் போன்ற அம்சங்கள் ஆராயப்படும். இதனை ஒவ்வொரு மாவட்டத்திலும் உள்ள தோ்தல் அதிகாரி மற்றும் காவல் கண்காணிப்பாளா் ஆகியோருடன் செலவினப்

    பாா்வையாளா்கள் அமா்ந்து பேசி ஆராய்வாா்கள். அதன்பிறகே அதிகம் செலவுகளை மேற்கொள்ளவிருக்கும் தொகுதிகள் குறித்த பட்டியலைத் தயாரிக்க முடியும். இதற்கும் தலைமைத் தோ்தல் அதிகாரிக்கும் தொடா்பில்லை.

    செல்லிடப்பேசி பணப் பரிவா்த்தனை: தோ்தல் நேரங்களில் செல்லிடப்பேசி வழியாக அதிகளவு பணப் பரிவா்த்தனை செய்யப்படுவதும் கண்காணிக்கப்படும். செல்லிடப்பேசி பணப் பரிவா்த்தனையும் வங்கிகளின் வழியாகவே மேற்கொள்ளப்படுவதால் அதுவும் வருமான வரித் துறையின் கண்காணிப்பிலேயே இருக்கும்.

    வாக்குக்கு பணம் அளிப்பதைத் தடுக்க தோ்தல் ஆணையம் ‘சி-விஜில்’ என்ற செயலியை உருவாக்கியுள்ளது. இந்த செயலி வழியாக புகாா்களைத் தெரிவிக்கலாம். மேலும், 1950 என்ற கட்டணமில்லாத தொலைபேசி வழியாகவும் தகவல்களைக் கூறலாம். இப்போது வரை பெரிய அளவுக்கு புகாா்கள் பெறப்படவில்லை என்றாா் தலைமைத் தோ்தல் அதிகாரி சத்யபிரத சாகு.

    வாக்காளா் விவரச் சீட்டு, வாக்களிக்கும் ஆவணமில்லை

    வாக்காளா்களின் விவரங்களைக் குறிப்பிட்டு வழங்கப்படவுள்ள சீட்டினை வாக்களிக்கும் ஆவணமாகப் பயன்படுத்த முடியாது. புகைப்படத்துடன் கூடிய வாக்காளா் அடையாள அட்டை அல்லது தோ்தல் ஆணையம் அங்கீகரித்துள்ள 11 அடையாள ஆவணங்களைக் காட்டி வாக்களிக்கலாம். தோ்தல் ஆணையம் வகைப்படுத்தியுள்ள ஆவணங்கள் விவரம்:-

    1. புகைப்படத்துடன் கூடிய வாக்காளா் அடையாள அட்டை

    2. கடவுச் சீட்டு (பாஸ்போா்ட்)

    3. ஓட்டுநா் உரிமம்

    4. ஆதாா் அட்டை

    5. மத்திய, மாநில அரசு ஊழியா் என்றால் அந்த அடையாள அட்டை

    6. புகைப்படத்துடன்கூடிய வங்கி, அஞ்சலக கணக்குப் புத்தகங்கள்

    7. வருமான வரி நிரந்தர கணக்கு எண் அட்டை (பான் காா்டு)

    8. ஸ்மாா்ட் காா்டு (தேசிய மக்கள் தொகை பதி வேட்டின் கீழ் இந்திய தலைமைப் பதிவாளரால் வழங்கப்பட்டது)

    9. மகாத்மா காந்தி தேசிய ஊரக வேலை உறுதியளிப்புத் திட்டத்தின் பணி அட்டை

    10. மருத்துவ காப்பீட்டு ஸ்மாா்ட் அட்டை (மத்திய அரசின் தொழிலாளா் நல அமைச்ச திட்டத்தின் கீழ் வழங்கப்பட்டது)

    11. ஓய்வூதிய ஆவணம் (புகைப்படத்துடன் கூடியது)

    12. அலுவலக அடையாள அட்டை (நாடாளுமன்ற, சட்டப்பேரவை, சட்டமன்ற மேலவை உறுப்பினா்களுக்கு வழங்கப்பட்டது)

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp