கோப்புப்படம்
சென்னையில் சனிக்கிழமை ஆபரணத்தங்கத்தின் விலை பவுனுக்கு ரூ.400 உயா்ந்து, ரூ.33,840-க்கு விற்பனை செய்யப்பட்டது.
கடந்த ஆண்டு ஆகஸ்ட் மாதத்தில் ஒரு பவுன் தங்கத்தின் விலை ரூ.43 ஆயிரத்தைத் தாண்டி வரலாறு காணாத உச்சத்தைத் தொட்டது. இதன்பிறகு, விலை படிப்படியாக குறைந்தது. நிகழாண்டில் தொடக்கம் முதல்
விலை ஏற்ற,இறக்கமாக இருந்து வந்தாலும், கடந்த வாரம் மீண்டும் விலை குறைந்து, ரூ.34 ஆயிரத்துக்கு கீழ் இறங்கியது. அதன் பிறகு, விலை மீண்டும் ஏற்ற இறக்கமாக இருந்து வருகிறது. இதன் தொடா்ச்சியாக, சென்னையில் சனிக்கிழமை பவுனுக்கு ரூ.400 உயா்ந்து, ரூ.33,840-க்கு விற்பனை செய்யப்பட்டது. ஒரு கிராம் ரூ.50 உயா்ந்து, ரூ.4,230 ஆக இருந்தது. வெள்ளி கிராமுக்கு 70 பைசா உயா்ந்து, ரூ.71.40 ஆகவும், கட்டி வெள்ளி கிலோவுக்கு ரூ.700 உயா்ந்து, ரூ.71,400 ஆகவும் இருந்தது.
சனிக்கிழமை விலை ரூபாயில் (ஜி.எஸ்.டி. தனி)
1 கிராம் தங்கம்............................. 4,230
1 பவுன் தங்கம்...............................33,840
1 கிராம் வெள்ளி.............................71.40
1 கிலோ வெள்ளி.............................71,400
வெள்ளிக்கிழமை விலை ரூபாயில் (ஜி.எஸ்.டி. தனி)
1 கிராம் தங்கம்............................. 4,180
1 பவுன் தங்கம்...............................33,440
1 கிராம் வெள்ளி.............................70.70
1 கிலோ வெள்ளி............................70,700
