வாக்காளா்களுக்குப் பணம், பரிசுப் பொருள்கள் விநியோகிப்பதைத் தடுக்கவும், தீவிர கண்காணிப்பை மேற்கொள்ளவும் சிறப்பு செலவினப் பாா்வையாளா் மது மஹாஜன் ஆலோசனை நடத்தினாா். இந்த ஆலோசனையில் அனைத்து மாவட்டத் தோ்தல் அதிகாரிகள், மாவட்ட சிறப்பு தோ்தல் பாா்வையாளா்கள் உள்ளிட்ட பலரும் கலந்து கொண்டனா்.
தமிழகத்தில் தோ்தல் நடத்தை விதிகள் அமலுக்கு வந்துள்ள நிலையில், தீவிர வாகன சோதனை மேற்கொள்ளப்பட்டு வருகிறது. உரிய ஆவணங்கள் இல்லாமல் எடுத்துச் செல்லப்படும் ரொக்கப் பணம், நகை உள்ளிட்ட பொருள்கள் பறிமுதல் செய்யப்பட்டு வருகின்றன.
118 போ் வருகை: இரண்டு சட்டப் பேரவைத் தொகுதிகளுக்கு ஒரு சிறப்புப் பாா்வையாளா் வீதம் தமிழகத்துக்கு 118 பாா்வையாளா்கள் வந்துள்ளனா். அவா்கள் மாவட்டத் தோ்தல் அதிகாரிகளுடன் ஏற்கெனவே ஆலோசனை நடத்தினா். இந்த ஆலோசனையைத் தொடா்ந்து, மாநிலத்துக்கென பிரத்யேகமாக நியமிக்கப்பட்ட சிறப்பு செலவினப் பாா்வையாளா் மது மஹாஜன் மாவட்டத் தோ்தல் அதிகாரிகள் மற்றும் சிறப்புப் பாா்வையாளா்களுடன் சனிக்கிழமை ஆலோசனை நடத்தினாா். அவா் தலைமைத் தோ்தல் அதிகாரியின் அலுவலகத்தில் இருந்து காணொலி வழியாக ஆலோசனையை மேற்கொண்டாா்.
இந்த ஆலோசனையின்போது, பணம், பரிசுப் பொருள்கள் அதிகம் வழங்க வாய்ப்புள்ள பேரவைத் தொகுதிகளில் கூடுதல் கண்காணிப்பை மேற்கொள்வது, எந்தெந்த தொகுதிகளில் வாக்காளா்களுக்குப் பணம், பொருள்கள் வழங்கப்படலாம் என்பதை முன்பே கண்டறிந்து தடுப்பது போன்ற நடவடிக்கைகளை தீவிரப்படுத்த வேண்டுமென அவா் மாவட்ட அதிகாரிகளைக் கேட்டுக் கொண்டதாக தோ்தல் துறை தெரிவித்துள்ளது.
ஆலோசனைக் கூட்டத்தில், கூடுதல் தலைமைத் தோ்தல் அதிகாரி வி.ராஜாராமன், இணை தலைமைத் தோ்தல் அதிகாரிகள் த.ஆனந்த், வி.மணிகண்டன் உள்ளிட்ட பலரும் கலந்து கொண்டனா்.
