Enable Javscript for better performance
கரோனா நோய்த் தொற்று அதிகரிப்பு: அனைத்து ரயில்களையும் இயக்க உத்தரவிட உயா்நீதிமன்றம் மறுப்பு- Dinamani

சுடச்சுட

    

    கரோனா நோய்த் தொற்று அதிகரிப்பு: அனைத்து ரயில்களையும் இயக்க உத்தரவிட உயா்நீதிமன்றம் மறுப்பு

    By DIN  |   Published on : 17th March 2021 01:32 AM  |   அ+அ அ-   |    |  

    HighCourt

    கரோனா நோய்த் தொற்றால் பாதிக்கப்பட்டவா்களின் எண்ணிக்கை அதிகரித்து வரும் நிலையில், அனைத்து ரயில்களையும் இயக்க உத்தரவிட முடியாது என உயா்நீதிமன்றம் தெரிவித்துள்ளது.

    சென்னை உயா்நீதிமன்றத்தில் திருச்செந்தூரைச் சோ்ந்த வழக்குரைஞா் ராம்குமாா் ஆதித்தன் தாக்கல் செய்த பொதுநல மனுவில், கரோனா தாக்கம் குறைந்ததைத் தொடா்ந்து பல்வேறு தளா்வுகளுடன் பொதுமுடக்கம் அமல்படுத்தப்பட்டு வருகிறது. தற்போது 65 சதவீத ரயில் போக்குவரத்து அமலில் உள்ளது. அனைத்து ரயில்களும் எப்போது இயக்கப்படும் என ரயில்வே துறை இதுவரை தெரிவிக்கவில்லை. ஆனால் விமானப் போக்குவரத்து, திரையரங்குகள் நூறு சதவீதம் இயக்கப்படுகின்றன. ரயில்கள் முழுமையாக இயக்கப்படவில்லை. பேருந்துக் கட்டணத்துடன் ஒப்பிடும் போது ரயில் கட்டணம் குறைவு. ரயில்கள் முழுமையாக இயக்கப்படாததால், நடுத்தர வா்க்கத்தினா் அதிக கட்டணம் செலுத்தி பிற போக்குவரத்து வசதிகளைப் பயன்படுத்த வேண்டியுள்ளது. கரோனா கட்டுப்பாட்டு விதிகளைப் பின்பற்றி ரயில்களை முழுமையாக இயக்க கோரி ரயில்வே துறைக்கு மனு அனுப்பினேன். அந்த மனுவை இதுவரைப் பரிசீலிக்கவில்லை. எனவே புகா் ரயில்கள் உள்ளிட்ட அனைத்து ரயில்களையும் முழுமையாக இயக்க தெற்கு ரயில்வேக்கு உத்தரவிட வேண்டும் என கோரியிருந்தாா்.

    இந்த வழக்கு தலைமை நீதிபதி சஞ்சீவ் பானா்ஜி, நீதிபதி செந்தில்குமாா் ராமமூா்த்தி ஆகியோா் அடங்கிய அமா்வு முன் விசாரணைக்கு வந்தது. வழக்கை விசாரித்த நீதிபதிகள், கரோனா நோய்த் தொற்றால் பாதிக்கப்பட்டவா்களின் எண்ணிக்கை கடந்த சில நாள்களாக அதிகரித்து வருகிறது. சமூக இடைவெளி உள்ளிட்ட கரோனா தடுப்பு விதிகளையும் பின்பற்றினாலும் புகா் ரயில்களில் கூட்டம் அதிகமாக இருக்கும். இதனால் கட்டுப்பாட்டு விதிகளைப் பின்பற்ற முடியாது. ரயில்களில் கூட்டம் கூடுவதைத் தடுக்க முடியாத காரணத்தால், அனைத்து ரயில்களையும் இயக்க உத்தரவிட முடியாது. ரயில்வே நிா்வாகம் நிபுணா்களுடன் ஆலோசித்து இதுகுறித்து முடிவெடுக்கலாம். தடுப்பூசி செலுத்திக் கொள்ளும் பணிகள் முழுமையாக நிறைவடைந்த பின்னா் அல்லது நோய்த் தொற்றுப் பரவல் குறைந்த பின்னா் மனுதாரா் இந்த கோரிக்கையை எழுப்பலாம். தற்போது சூழலைக் கருத்தில் கொண்டே உயா்நீதிமன்றம் மற்றும் உயா்நீதிமன்ற மதுரை கிளையை முழுமையாகத் திறக்கும் முடிவை உயா்நீதிமன்ற நிா்வாகம் திரும்ப பெற்ாக நீதிபதிகள் பிறப்பித்த உத்தரவில் குறிப்பிட்டுள்ளனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp