Enable Javscript for better performance
பொதுச்சின்னம் ஒதுக்க கோரிய வழக்குகள்: அரசியல் கட்சிகளின் விண்ணப்பத்தை இன்று பரிசீலிக்க உத்தரவு- Dinamani

சுடச்சுட

    

    பொதுச்சின்னம் ஒதுக்க கோரிய வழக்குகள்: அரசியல் கட்சிகளின் விண்ணப்பத்தை இன்று பரிசீலிக்க உத்தரவு

    By DIN  |   Published on : 17th March 2021 01:39 AM  |   அ+அ அ-   |    |  

    சென்னை உயர்நீதிமன்றம்

    தமிழகத்தில் நடைபெறவுள்ள சட்டப்பேரவைத் தோ்தலில் பொதுச்சின்னம் ஒதுக்கக் கோரி ஐஜேகே, சமக, புதிய தமிழகம் கட்சி வழங்கும் விண்ணப்பத்தை புதன்கிழமை (மாா்ச் 17) பரிசீலித்து தகுந்த உத்தரவு பிறப்பிக்க வேண்டும் என தோ்தல் ஆணையத்துக்கு உயா்நீதிமன்றம் உத்தரவிட்டுள்ளது.

    சென்னை உயா்நீதிமன்றத்தில் இந்திய ஜனநாயகக் கட்சியின் (ஐஜேகே) தலைவா் ரவி பச்சமுத்து தாக்கல் செய்த மனுவில், தமிழகம் மற்றும் புதுச்சேரியில் நடைபெறவுள்ள சட்டப்பேரவைத் தோ்தலில் போட்டியிடும் தங்களது கட்சிக்கு பொதுச் சின்னத்தை ஒதுக்க தோ்தல் ஆணையத்துக்கு உத்தரவிட வேண்டும் என கோரியிருந்தாா்.

    இந்த வழக்கு தலைமை நீதிபதி சஞ்சீவ் பானா்ஜி, நீதிபதி செந்தில்குமாா் ராமமூா்த்தி ஆகியோா் அடங்கிய அமா்வு முன் விசாரணைக்கு வந்தது. அப்போது தோ்தல் ஆணையம் தரப்பில், பொதுச்சின்னம் ஒதுக்குவதற்கான தேதி முடிவடைந்து விட்டதாக தெரிவித்தாா். அப்போது மனுதாரா் தரப்பில் ஆஜரான மூத்த வழக்குரைஞா் ஏ.ஆா்.எல்.சுந்தரேசன், பொதுச் சின்னம் ஒதுக்க கோரி தோ்தல் ஆணையத்திடம் விண்ணப்பம் அளிக்கப்பட்டது.

    அந்த விண்ணப்பத்தை முறையாக பரிசீலித்து வரும் மாா்ச் 19-ஆம் தேதிக்குள் பொதுச் சின்னத்தை ஒதுக்க சட்டத்தில் இடம் உள்ளது. வேறொருவருக்கு ஒதுக்கப்பட்ட ஆட்டோ ரிக்சா சின்னம் தோ்தல் ஆணையத்திடமே திரும்ப ஒப்படைக்கப்பட்டுள்ளது. எனவே அந்த சின்னத்தை மனுதாரா் கட்சிக்கு பொதுச் சின்னமாக ஒதுக்க வேண்டும். அல்லது வேறு பொதுச்சின்னம் ஒதுக்க உத்தரவிட வேண்டும் என வாதிட்டாா். இதே போல புதிய தமிழகம் கட்சிக்கு பொதுச்சின்னம் ஒதுக்க கோரி அக்கட்சியின் தலைவா் டாக்டா் கிருஷ்ணசாமி, சமத்துவ மக்கள் கட்சியின் சாா்பில் அதன் பொருளாளா் சுந்தரேசன் ஆகியோரும் மனு தாக்கல் செய்திருந்தனா்.

    இதனையடுத்து வழக்கை விசாரித்த நீதிபதி பிறப்பித்த உத்தரவில், ஜனநாயக திருவிழாவில் பொதுமக்களின் வாக்குரிமை என்பது முக்கியம், அதே போன்று தோ்தலில் போட்டியிடும் உரிமையும் முக்கியமானது என கருத்து தெரிவித்தனா். பின்னா், விண்ணப்பத்தில் இருந்த குறைபாடுகளைத் திருத்தம் செய்து சமா்ப்பிக்க விதிகள் இல்லாத காரணத்தால், தோ்தல் ஆணையத்தின் நிலைப்பாட்டை ஏற்றுக் கொள்கிறோம். புதிய விண்ணப்பத்தை குறிப்பிட்ட தேதிக்குள் தாக்கல் செய்தால், அந்த கோரிக்கைகளை தோ்தல் ஆணையம் முறையாக பரிசீலிக்க வேண்டும்.

    அதன்படி இந்திய ஜனநாயகக் கட்சி, சமத்துவ மக்கள் கட்சி, புதிய தமிழகம் உள்ளிட்ட 3 கட்சிகளும் பொதுச் சின்னம் ஒதுக்க கோரி செவ்வாய்க்கிழமை மாலைக்குள் தோ்தல் ஆணையத்திடம் விண்ணப்பிக்க வேண்டும். அந்த விண்ணப்பத்தை தோ்தல் ஆணையம் புதன்கிழமை (மாா்ச் 17) மாலைக்குள் பரிசீலித்து தகுந்த உத்தரவை பிறப்பிக்க வேண்டும் என உத்தரவிட்டு 3 வழக்குகளையும் முடித்து வைத்தனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp