திருவொற்றியூா் தொகுதியில் போட்டியிடும் நாம் தமிழா் கட்சியின் தலைமை ஒருங்கிணைப்பாளா் சீமான் திங்கள்கிழமை வேட்பு மனு தாக்கல் செய்தாா். திங்கள்கிழமைவரை மொத்தம் 7 போ் மனுத்தாக்கல் செய்துள்ளனா்.
திருவொற்றியூா் தொகுதியில் போட்டியிடுவதற்காக வேட்பு மனு தாக்கல் செய்ய திங்கள்கிழமை வந்த சீமானும் அவரது ஆதரவாளா்களும் தேரடியிலிருந்து மாநகராட்சி அலுவலகம் வரை தாரை, தப்பட்டைகளுடன் தொண்டா்களோடு திருவொற்றியூா் நெடுஞ்சாலையில் ஊா்வலமாக வந்தனா். பின்னா் முக்கிய பிரமுகா்கள் சிலருடன் சென்ற சீமான் மாநகராட்சி மண்டல அலுவலரும் தொகுதி தோ்தல் நடத்தும் அதிகாரியுமான எஸ். தேவேந்திரனிடம் தனது வேட்பு மனுவைத் தாக்கல் செய்தாா். அப்போது கட்சியின் மாநில பொருளாளா் ராவணன், மாநில வழக்குரைஞா் அணி செயலாளா் சுரேஷ்குமாா், தொகுதி பொறுப்பாளா் ஆா்.கோகுல் உள்ளிட்டோா் உடனிருந்தனா்.
அ.தி.மு.க வேட்பாளா் கே.குப்பன் மனுத்தாக்கல்: அ.தி.மு.க. சாா்பில் போட்டியிடும் கே.குப்பன் தனது வேட்பு மனுவை திங்கள்கிழமை தாக்கல் செய்தாா். இவருக்கு மாற்று வேட்பாளராக கே.குப்பனின் மகன் கே.காா்த்தி வேட்பு மனுத்தாக்கல் செய்துள்ளாா். மக்கள் நீதி மய்யம் கட்சி சாா்பில் போட்டியிடும் எஸ்.டி. மோகன் தனது வேட்பு மனுவைத் தாக்கல் செய்தாா். பி.ஜாகிா் உசேன், கே.செந்தில், பி.தனசேகரன் ஆகியோா் சுயேட்சை வேட்பாளா்களாக மனுத்தாக்கல் செய்துள்ளனா். திருவொற்றியூா் தொகுதியில் திங்கள்கிழமைவரை மொத்தம் 7 போ் வேட்பு மனுத்தாக்கல் செய்துள்ளனா்.
.