சென்னையில் சனிக்கிழமை ஆபரணத்தங்கத்தின் விலை பவுனுக்கு ரூ.128 உயா்ந்து, ரூ.33,856-க்கு விற்பனை செய்யப்பட்டது.
கடந்த ஆண்டு ஆகஸ்ட் மாதத்தில் ஒரு பவுன் தங்கத்தின் விலை ரூ.43 ஆயிரத்தைத் தாண்டி வரலாறு காணாத உச்சத்தைத் தொட்டது. இதன்பிறகு, விலை படிப்படியாகக் குறைந்தது. கடந்த ஒருவாரத்துக்கு முன்பு, பவுன் தங்கம் ரூ.34 ஆயிரத்துக்கு கீழ் இறங்கியது. இதன்பிறகு, விலை ஏற்ற, இறக்கமாக இருந்து வருகிறது.
இதன் தொடா்ச்சியாக, சென்னையில் சனிக்கிழமை பவுனுக்கு ரூ.128 உயா்ந்து, ரூ.33,856-க்கு விற்பனை செய்யப்பட்டது.
ஒரு கிராம் ரூ.16 உயா்ந்து, ரூ.4,232 ஆக இருந்தது. அதேநேரத்தில், வெள்ளி விலை குறைந்துள்ளது. வெள்ளி கிராமுக்கு 20 பைசா குறைந்து, ரூ.69.30 ஆகவும், கட்டி வெள்ளி கிலோவுக்கு ரூ.200 குறைந்து ரூ.69,300 ஆகவும் இருந்தது.
சனிக்கிழமை விலை ரூபாயில் (ஜி.எஸ்.டி. தனி)
1 கிராம் தங்கம்............................. 4,232
1 பவுன் தங்கம்...............................33,856
1 கிராம் வெள்ளி.............................69.30
1 கிலோ வெள்ளி.............................69,300
வெள்ளிக்கிழமை விலை ரூபாயில் (ஜி.எஸ்.டி. தனி)
1 கிராம் தங்கம்............................. 4,216
1 பவுன் தங்கம்...............................33,728
1 கிராம் வெள்ளி.............................69.50
1 கிலோ வெள்ளி.............................69,500.