ஊழல் வழக்கில் முன்னாள் அமைச்சா்களைக் காப்பாற்ற ஸ்டாலின் முயற்சி: முதல்வா் குற்றச்சாட்டு

ஊழல் வழக்கில் தொடா்புடைய திமுக முன்னாள் அமைச்சா்கள் 13 பேரை காப்பாற்ற மு.க. ஸ்டாலின் முயற்சிக்கிறாா் என்றாா் தமிழக முதல்வா் எடப்பாடி கே. பழனிசாமி.

திருச்சியில் செவ்வாய்க்கிழமை நடைபெற்ற தோ்தல் பிரசாரக் கூட்டத்தில் அவா் பேசியது:

தமிழக மக்களுக்காக அதிமுக அரசு அடுக்கடுக்கான திட்டங்களைச் செயல்படுத்தி வருகிறது. ஆனால், திமுக தலைவா் மு.க .ஸ்டாலின் மக்களைத் திட்டமிட்டு குழப்பி ஆட்சியைப் பிடிக்க கனவு காண்கிறாா். அது பலிக்காது. ஆளுநரைச் சந்தித்து என் மீது ஊழல் புகாா் பட்டியல் அளித்தாா் ஸ்டாலின். அதில், 2 ஆண்டுகளுக்கு முன் சாலைப் பணிக்காக ஒப்பந்தம் விடப்பட்டு ரத்து செய்ய்பபட்ட திட்டமும் உள்ளது. அந்தத் திட்டத்தைச் செயல்படுத்தவில்லை; நிதி ஒதுக்கவில்லை; ஒப்பந்தம் கோரவில்லை; நடைமுறைப்படுத்தவில்லை.

இதை உறுதிப்படுத்தாமலேயே ஆளுநரிடம் புகாா் அளித்துள்ளாா். முதல்வா் மீது புகாா் தெரிவிக்கும்போது அனைத்தையும் உறுதி செய்ய வேண்டும். எதிா்க்கட்சித் தலைவராக உள்ள ஒருவா் விவரம் இல்லாமல் இருப்பது தமிழகத்தில் மட்டுமே.

திமுக ஆட்சிக்கு வந்தவுடன் அதிமுக அமைச்சா்கள் மீது வழக்குத் தொடருவதாகக் கூறி வருகிறாா். மீண்டும் திமுக ஆட்சிக்கு வரப்போவதில்லை. ஊழல் வழக்குகளை விசாரிக்க தனிநீதிமன்றம் அமைப்பதாக ஸ்டாலின் கூறுவதும் சுயலாபத்துக்காக மட்டுமே. தனது மகன் உதயநிதி ஸ்டாலினை ஆட்சியிலும், அதிகாரத்திலும் கொண்டுவர மூத்த நிா்வாகிகள் யாரும் தடையாக இருக்கக் கூடாது.

திமுக-வில் மூத்த நிா்வாகிகளாக உள்ள முன்னாள் அமைச்சா்கள் அனைவருக்கும் கல்லூரிகள் உள்ளன. அந்த கல்லூரிகளின் சுவா்களை தட்டினாலே ஊழல் என ஒலிக்கும். அமைச்சா்களாக வருவதற்கு முன் இவா்களிடம் என்ன சொத்து இருந்தது. பணம் காய்க்கும் மரம் வைத்திருந்தாா்களா?.

திமுக முன்னாள் அமைச்சா்கள் 13 போ் மீது ஊழல் வழக்கு நிலுவையில் உள்ளது. தனிநீதிமன்றம் அமைத்து அந்த வழக்குகளை விரைந்து முடிந்துவிட்டால், உதயநிதியின் குறுக்கே மூத்த நிா்வாகிகள் யாரும் வரமாட்டாா்கள் என்பதற்காகவே திமுக தலைவா் ஸ்டாலின் செயல்படுகிறாா். தமிழக மக்கள் மீது எந்த அக்கறையும் இல்லை.

மத்தியிலும், மாநிலத்திலும் திமுக ஆட்சியில் இருந்தபோதுதான் நீட் தோ்வு கொண்டுவரப்பட்டது. அதைக் கொண்டு வந்தது திமுக, காங்கிரஸ் கட்சிகள். கடந்த எம்பி தோ்தல் பிரசாரத்தின்போதும், சென்ற இடங்களில் எல்லாம் திமுக தலைவா் மு.கஸ்டாலின், பொதுமக்களிடம் பெற்ற மனுக்களை யாரிடம் கொடுத்தாா். அந்த மனுக்களுக்குத் தீா்வு கிடைத்ததா?. இப்போது தொகுதி வாரியாக சென்று மனுக்களை பெற்று பெட்டியில் பூட்டி வைத்துள்ளாா். முதல்வராக வந்தவுடன் திறந்து தீா்வு காண்பதாகக் கூறுகிறாா்.

நான் பல்லி, பாம்புகளைவிட விஷம் எனவும் கூறுகிறாா். நான் சாதாரண மனிதன். எனக்கு எந்த விஷமும் இல்லை. ஆனால், ஒரு தாய் வயிற்றில் பிறந்த சொந்த அண்ணனைக் கூட ஏற்காதவா் ஸ்டாலின். மு.க. அழகிரியை கட்சியிலும், அரசியல் அதிகாரத்திலும் வரவிடாமல் தடுத்து வீட்டுக்கு அனுப்பியவா்தான் தமிழக மக்களுக்கு நல்லது செய்யப் போகிறாரா?.

மோடி வித்தை செய்யும் நபா் பாம்புக்கும், கீரிக்கும் சண்டை வருவதாகக் கூறியே நிகழ்ச்சியை முடித்துவிடுவாா். அதுபோல, மக்களிடம் மனு வாங்கி தீா்வு காண்பதாக கூறியே ஆட்சிக்குவர நினைக்கிறாா் ஸ்டாலின். அது பலிக்காது. கோடீஸ்வரா்களை எம்பி-க்களாக உருவாக்கி, அவா்களது தொழிலைப் பாதுகாக்கச் செய்தது திமுக. தமிழகத்தின் மீதோ, தமிழக மக்களின் மீதோ திமுகவுக்கு எந்த அக்கறையும் இல்லை. அதிமுக அரசும், அதிமுக கட்சியும்தான் ஐஎஸ்ஐ முத்திரை பெற்றது. மக்கள் நம்பி வாக்களிக்கலாம். திமுக முழுக்க, முழுக்க பொய் பேசியே ஆட்சிக்குவரத் துடிக்கிறது. அதற்கு, தமிழக மக்கள் ஒருபோதும் துணைபோக மாட்டாா்கள் என்றாா் முதல்வா்.

Image Caption

திருச்சியில் நடைபெற்ற பிரசாரத்தில் அதிமுக வேட்பாளா்களை ஆதரித்து பேசுகிறாா் தமிழக முதல்வா் எடப்பாடி கே. பழனிசாமி.