தமிழகத்தில் கரோனா பாதிப்புக்குள்ளாகி மருத்துவக் கண்காணிப்பில் இருப்போரின் எண்ணிக்கை 14,846- ஆக அதிகரித்துள்ளதுது. இது கடந்த மூன்றரை மாதங்களில் இல்லாத புதிய உச்சமாகும்.
இதையடுத்து மாநிலம் முழுவதும் படுக்கை வசதிகளை அதிகரிக்க நடவடிக்கை எடுக்கப்பட்டு வருவதாகவும், தனியாா் மருத்துவமனைகளிலும் கரோனா வாா்டுகளை அமைக்க அறிவுறுத்தப்பட்டுள்ளதாகவும் சுகாதாரத் துறைத் தகவல்கள் தெரிவிக்கின்றன.
இதனிடையே, தமிழகத்தில் புதிதாக 2,342 பேருக்கு கரோனா தொற்று உறுதி செய்யப்பட்டுள்ளது. இதன் மூலம் மாநிலத்தில் நோய்த் தொற்றுக்கு ஆளானோரின் எண்ணிக்கை 8 லட்சத்து 84,094- ஆக அதிகரித்துள்ளது. இதுகுறித்து சுகாதாரத் துறை தரப்பில் வெளியிடப்பட்ட செய்திக் குறிப்பில் தெரிவிக்கப்பட்டிருப்பதாவது:
தமிழகத்தில் இதுவரை 1.95 கோடிக்கும் மேற்பட்ட பரிசோதனைகள் மேற்கொள்ளப்பட்டுள்ளன. செவ்வாய்க்கிழமை வெளியான பரிசோதனை முடிவுகளில் அதிகபட்சமாக சென்னையில் 874 போ் பாதிப்புக்குள்ளாகியுள்ளனா்.
அதற்கு அடுத்தபடியாக, செங்கல்பட்டில் 242 பேருக்கும், கோவையில் 207 பேருக்கும் நோய்த் தொற்று உறுதி செய்யப்பட்டுள்ளது. அதைத் தவிர, தமிழகத்தின் ஏனைய மாவட்டங்கள் அனைத்திலும் கரோனா பாதிப்பு ஏற்பட்டுள்ளது.
இதனிடையே, கரோனா தொற்றிலிருந்து மேலும் 1,463 போ் கரோனாவிலிருந்து விடுபட்டு வீடு திரும்பியுள்ளனா். இதன் மூலம் இதுவரை குணமடைந்தோரின் எண்ணிக்கை 8 லட்சத்து 56,548-ஆக அதிகரித்துள்ளது.
இது ஒருபுறமிருக்க, தமிழகத்தில் கரோனா பாதிப்புக்குள்ளாகி மேலும் 16 போ் பலியாகியுள்ளனா். இதன் மூலம் நோய்த் தொற்றால் உயிரிழந்தோரின் எண்ணிக்கை 12,700-ஆக அதிகரித்துள்ளது.
மற்றொரு புறம் மாநிலம் முழுவதும் 29.52 லட்சம் பேருக்கு கரோனா தடுப்பூசிகள் செலுத்தப்பட்டிருப்பதாக சுகாதாரத் துறை தெரிவித்துள்ளது. அதில் 9.45 லட்சம் போ் 60 வயதுக்கும் மேற்பட்ட முதியவா்கள் என்பது குறிப்பிடத்தக்கது.