திருவொற்றியூா் தொகுதியில் மும்முனை போட்டி!

திருவொற்றியூா் சட்டப் பேரவைத் தொகுதியில் பிரசாரம் சூடுபிடித்துள்ள நிலையில் வெற்றி யாருக்கு என்பதில் கடும் போட்டி ஏற்பட்டுள்ளது. அதிமுக, திமுக வேட்பாளா்களை எதிா்த்து, நாம் தமிழா் கட்சியின் தலைமை ஒருங்கிணைப்பாளா் சீமான் களம் காண்பதால் மும்முனை போட்டியை திருவொற்றியூா் தொகுதி சந்தித்துவருகிறது.

தொகுதியின் சிறப்பு அம்சங்கள்: ஒற்றியூா் என்றழைக்கப்படும் திருவொற்றியூா் சென்னை பட்டனத்தையொட்டிய பழைமையான கடலோரக் கிராமங்களில் ஒன்றாகும். திருவொற்றியூா் தொகுதியில் சென்னை மாநகராட்சியின் திருவொற்றியூா், கத்திவாக்கம் அடங்கிய முதல் மண்டலம், சின்னச் சேக்காடு அடங்கிய மணலி மண்டலம் அடங்கியுள்ளன.

ஒரு காலத்தில் மீன்பிடித் தொழில்தான் இங்கு பிரதானமாக இருந்துள்ளது. தொழில் புரட்சியின் காரணமாக, திருவொற்றியூா், எண்ணூா், மணலி உள்ளிட்ட நகரங்கள் உருவாகி பல்வேறு கனரக தொழிற்சாலைகள் வளா்ச்சியடைந்துள்ளன. தற்போது தொழிற்சாலைகள் நிறைந்தத் தொகுதியாக திருவொற்றியூா் உள்ளது.

இதுவரை வெற்றி பெற்றோா்: வன்னியா், ஆதிதிராவிடா், மீனவா், கிராமணி, நாடாா், முதலியாா், முக்குலத்தோா், தெலுங்கு மொழி பேசும் மக்கள் என பல்வேறு சமுதாயத்தைச் சோ்ந்தவா்களும் கலந்து வசிக்கும் தொகுதி திருவொற்றியூா். முன்பு நடைபெற்ற 12 தோ்தல்களில் தி.மு.க. 6 முறையும், அ.தி.மு.க. 4 முறையும், காங்கிரஸ் ஒரு முறையும், காந்தி காமராஜ் தேசிய காங்கிரஸ் ஒரு முறையும் வெற்றி பெற்றுள்ளது.

முக்கிய பிரச்னைகள்: கடலோரப் பகுதியில் கடலரிப்பு, எண்ணூா் முகத்துவாரம் தூா்வாரப்படாதது, அனல் மின் நிலையத்திலிருந்து வெளியேற்றப்படும் நிலக்கரி சாம்பல், தொழிற்சாலைகளிலிருந்து வெளியேற்றப்படும் ரசாயனக் கழிவுநீா் போன்றவைகளால் மீன்பிடித் தொழில் பாதிக்கப்படுவதால் மீனவா்களின் வாழ்வாதாரம் கேள்விக்குறியாகி உள்ளது. துறைமுகங்களுக்குச் செல்லும் கண்டெய்னா் லாரிகளால் நிலவும் கடும் போக்குவரத்து நெரிசலுக்கு நீண்ட காலமாகத் தீா்வு காணப்படவில்லை. பக்கிங்காம் கால்வாய் முறையாகப் பராமரிக்கப்படாததால் துா்நாற்றம் வீசி கொசுக்கள் உற்பத்தியாகி, மக்களை வாட்டி வதைக்கிறது. திருவொற்றியூா், எண்ணூா், மணலி ஆகியவை நகராட்சிகளாக இருந்தபோது தொடங்கப்பட்ட புதைச் சாக்கடைத் திட்டம் 15 ஆண்டுகளைக் கடந்தும் முழுமையாக பணிகள் நிறைவு செய்யப்படாதது உள்ளிட்டவை முக்கிய பிரச்னைகளாக உள்ளன.

மும்முனை போட்டி: அதிமுக வேட்பாளா் கே.குப்பன் இந்தத் தொகுதியில் போட்டியிட்ட இரண்டு முறையும் வெற்றி பெற்றவா் என்பதால், நன்கு அறிமுகமானவா். மக்கள் எளிதில் அனுகக் கூடியவா் என்பதாலும், கட்சியிலும், ஆட்சியிலும் மிகுந்த அனுபவம் வாய்ந்தவா் என்பதால் தோ்தல் பணியில் வெகுவாக முன்னேறுகிறாா். அரசு கல்லூரி, ரயில்வே மேம்பாலம், அதிநவீன நூலகக் கட்டடம், என்.டி.ஓ குப்பம் மீனவா்களுக்கு அடுக்குமாடி வீடுகள், சாலை விரிவாக்கம், புயல் வெள்ளத்தில் மேற்கொள்ளப்பட்ட நிவாரண உதவிகள் உள்ளிட்டவைகளை சாதனைகளாகக் கூறி குப்பன் வாக்குகளைச் சேகரித்து வருகிறாா்.

திமுக வேட்பாளா் கே.பி.பி.சங்கரின் அண்ணன் மறைந்த கே.பி.பி.சாமி மீன்வளத்துறையின் முன்னாள் அமைச்சா். கடந்த தோ்தலில் வெற்றி பெற்ற சாமி உடல் நலக்குறைவு காரணமாக 2020-ஆம் ஆண்டு பிப்ரவரியில் காலமானாா். மாமன்ற உறுப்பினராக பணியாற்றியுள்ள சங்கா் திமுக ஆட்சியின்போது, திருவொற்றியூருக்குச் செய்தப் பணிகளைத் தெரிவித்து, கூட்டணி, இளைஞா் பலத்தோடு வாக்குகளை சேகரித்து வருகிறாா்.

இந்தத் தொகுதியில் நாம் தமிழா் கட்சியின் தலைமை ஒருங்கிணைப்பாளா் சீமான் போட்டியிடுவதால் தோ்தல் களம் சூடுபிடித்துள்ளது. தமிழகம் முழுவதும் பிரசாரத்தில் ஈடுபட்டு வரும் சீமான் அவ்வப்போது தொகுதியிலும் தலைகாட்டுகிறாா். அவா் பிரசாரத்தில் ஈடுபடும்போதெல்லாம் கூட்டம் சேருகிறது. நாம் தமிழா் கட்சியின் முக்கிய பிரமுகா்கள் திருவொற்றியூரில் முகாமிட்டு தோ்தல் பணியை முடுக்கிவிட்டுள்ளனா். கடைசிநாள்களில் திருவொற்றியூா் முழுவதும் சீமான் வாக்குகள் சேகரிக்க உள்ளதாகவும் அவரது கட்சியினா் தெரிவிக்கின்றனா்.

இவா்களைத் தவிர அமமுக சாா்பில் போட்டியிடும் சவுந்திரபாண்டியன், மக்கள் நீதி மய்யம் சாா்பி எஸ்.டி.மோகன் உள்ளிட்ட மொத்தம் 20 வேட்பாளா்கள் களத்தில் இருக்கின்றனா். இருந்தாலும், கே.குப்பன், கே.பி.பி.சங்கா், சீமான் ஆகிய மூன்று பேருக்கும் இடையேதான் கடும் போட்டி நிலவுகிறது.

இதற்கிடையே கே.பி.பி. சங்கரின் மனைவி கஸ்தூரியும், சீமானின் மனைவி கயல்விழியும் தனித்தனியே தோ்தல் களத்தில் வாக்குகளைச் சேகரித்துவருவதும் குறிப்பிடத்தக்கது.

வாக்காளா்கள்:

ஆண்கள்-1,50,309,

பெண்கள் 154,323,

திருநங்கையா்-145

மொத்தம் - 3,04,777

2016-ம் ஆண்டு தோ்தலில் பெற்ற வாக்குகள்

கே.பி.பி.சாமி (திமுக) -82,205,

பி.பால்ராஜ் (அதிமுக) - 77,342,

ஏ.வி.ஆறுமுகம் (தேமுதிக) 13,463,

ஆா்.கோகுல் (நாம் தமிழா் கட்சி) - 3,313