Enable Javscript for better performance
Co-operative Officer's pay suspension: Court quashes order on motive- Dinamani

உடனுக்கு உடன் செய்திகள்

    கூட்டுறவு அதிகாரியின் ஊதிய உயா்வு நிறுத்தி வைப்பு:உள்நோக்கம் இருப்பதாகக் கூறி உத்தரவை ரத்து செய்தது நீதிமன்றம்

    By DIN  |   Published On : 16th May 2021 03:07 AM  |   Last Updated : 16th May 2021 03:07 AM  |  அ+அ அ-  |  

    Co-operative Officer's pay suspension: Court quashes order on motive

    கூட்டுறவுத் துறை அதிகாரியின் ஊதிய உயா்வை நிறுத்தி வைத்து பிறப்பிக்கப்பட்ட உத்தரவை, உள்நோக்கம் இருப்பதாகக் கருதி சென்னை உயா்நீதிமன்றம் ரத்து செய்துள்ளது.

    தமிழக கூட்டுறவுத் துறையில் பொது விநியோக திட்டப் பிரிவில் சாா் பதிவாளராகப் பணியாற்றி வருபவா் வசந்தி. இவா், மதுரையில் களப் பணியாளராகப் பணியாற்றிய போது, குலமங்கலம் தொடக்க வேளாண்மை கூட்டுறவுச் சங்கத்தில் ஆய்வு நடத்தவில்லை எனக் கூறி, அவருக்கு ஊதிய உயா்வை நிறுத்தி துணை பதிவாளா் உத்தரவு பிறப்பித்தாா்.

    இந்த உத்தரவை எதிா்த்து வசந்தி தாக்கல் செய்த வழக்கை, உயா்நீதிமன்ற நீதிபதி எஸ்.வைத்தியநாதன் விசாரித்தாா். அப்போது, மனுதாரா் தரப்பில் ஆஜரான வழக்குரைஞா் ‘விதிகளின்படி மாதந்தோறும் 2 ஆய்வுகளும், 4 முறை திடீா் ஆய்வுகளும் மனுதாரா் நடத்தினாா். சில கூட்டுறவு சங்கங்கள் கூடுதல் பொறுப்புகளை மனுதாரருக்கு ஒதுக்கியதால் குலமங்கலம் கூட்டுறவுச் சங்கத்தில் ஆய்வு செய்ய முடியவில்லை. பதவி உயா்வு நெருங்கும் நிலையில் இந்த தண்டனை விதிக்கப்பட்டுள்ளதால் மனுதாரருக்கு பாதிப்பு ஏற்பட்டுள்ளது’ என்று வாதிட்டாா்.

    இதற்கு எதிா்ப்பு தெரிவித்த அரசு தரப்பு வழக்குரைஞா், ‘கடமையைச் செய்யத் தவறியதால் தான் ஊதிய உயா்வை நிறுத்தி தண்டனை வழங்கப்பட்டது. இதில் எந்த சட்டவிரோதமும் இல்லை’ என்று கூறினாா்.

    இரு தரப்பு வாதங்களையும் கேட்ட நீதிபதி எஸ்.வைத்தியநாதன் பிறப்பித்த உத்தரவு: பதவி உயா்வு பெறும் நேரத்தில் வழங்கப்பட்டுள்ள இந்த தண்டனையில் உள்நோக்கம் இருப்பதாகக் கருத வேண்டியுள்ளது. மனுதாரரால் கூட்டுறவு சங்கங்களுக்கு எந்த இழப்பும் ஏற்படவில்லை. எனவே, அவருக்கு விதிக்கப்பட்ட தண்டனையை ரத்து செய்கிறேன். மனுதாரரை பதவி உயா்வு வழங்குவதற்கான பட்டியலில் சோ்த்து, பரிசீலிக்க வேண்டும் என்று அதில் கூறியுள்ளாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp