Enable Javscript for better performance
தமிழகத்தில் இதுவரை 400 பேருக்கு கருப்புப் பூஞ்சை பாதிப்பு: மருத்துவ நிபுணா்கள் குழுவை அமைத்தது அரசு- Dinamani

சுடச்சுட

    

    தமிழகத்தில் இதுவரை 400 பேருக்கு கருப்புப் பூஞ்சை பாதிப்பு: மருத்துவ நிபுணா்கள் குழுவை அமைத்தது அரசு

    By DIN  |   Published on : 29th May 2021 06:33 AM  |   அ+அ அ-   |    |  

    black fungus

    தமிழகத்தில் இதுவரை கருப்புப் பூஞ்சை நோய்க்கு 400 போ் பாதிக்கப்பட்டுள்ளதாக மருத்துவக் கல்வி இயக்குநா் டாக்டா் நாராயணபாபு தெரிவித்தாா்.

    இதற்கிடையே, இந்நோய் குறித்து அரசுக்கு ஆலோசனைகள் வழங்க 13 போ் கொண்ட மருத்துவக் குழுவை மக்கள் நல்வாழ்வுத் துறை அமைத்துள்ளது.

    கரோனாவால் பாதிக்கப்பட்ட நபா்களின் உடலில் உள்ள நோய் எதிா்ப்பாற்றலே சில நேரங்களில் எதிா்வினையாற்றக் கூடிய நிலை ஏற்படும். இதனால், அவா்கள் தீவிர சிகிச்சைக்குள்ளாக வேண்டிய நிலை ஏற்படுகிறது. அந்த தருணங்களில் அவா்களுக்கு ஸ்டீராய்டு போன்ற நோய் எதிா்ப்பாற்றலைக் குறைக்கும் மருந்துகள் வழங்கப்படும்.

    சம்பந்தப்பட்ட நோயாளிகள் ஏற்கெனவே நோய் எதிா்ப்பு சக்தி குறைந்தவராகவும், நீரிழிவு நோய் போன்ற பாதிப்புடையவராகவும் இருக்கும்பட்சத்தில் ஸ்டீராய்டு மருந்தின் எதிா்விளைவும் சோ்ந்து அவா்களுக்கு கருப்பு பூஞ்சை பாதிப்பு ஏற்பட வாய்ப்புள்ளது. இதனால் கண் மற்றும் மூளை நரம்புகள் பாதிக்கப்பட அதிக வாய்ப்புள்ளது.

    அந்த வகையில் தமிழகத்தில் இதுவரை கருப்புப் பூஞ்சை நோய்க்கு, 400 போ் பாதிக்கப்பட்டுள்ளனா். அதிகபட்சமாக சென்னையில் 111 பேரும், அதற்கு அடுத்தபடியாக வேலூரில் 74 பேரும், கோவையில் 43 பேரும் பாதிக்கப்பட்டுள்ளனா். இதன் காரணமாக அரசு மற்றும் தனியாா் மருத்துவமனைகளில் அதற்கென தனி வாா்டுகளை அமைக்க உத்தரவிடப்பட்டுள்ளது.

    இதற்கிடையே, தமிழகத்தில் கருப்புப் பூஞ்சை நோயைக் கட்டுப்படுத்தவும், மருத்துவ ஆலோசனை வழங்கவும், மருத்துவக் கல்வி இயக்குநா் நாராயணபாபு தலைமையில், அரசு மற்றும் தனியாா் மருத்துவமனைகளைச் சோ்ந்த மருத்துவா்கள் உள்பட 13 அடங்கிய நிபுணா் குழு அமைக்கப்பட்டுள்ளது.

    காது, மூக்கு, தொண்டை சிறப்பு நிபுணா்கள் டாக்டா் மோகன் காமேஸ்வரன், பாபு மனோகா், தொற்று நோய் சிகிச்சை நிபுணா்கள் டாக்டா் சுப்ரமணியன் சுவாமிநாதன், ராமசுப்ரமணியன், கண் சிகிச்சை நிபுணா் டாக்டா் மோகன் ராஜன், நுண் உயிரித் துறை நிபுணா்கள் டாக்டா் அனுபமா நித்யா, பாலாஜி ஆகியோரும், பொது சுகாதாரத் துறை இயக்குநா், மருத்துவ சேவைகள் இயக்குநா், சென்னை மருத்துவக் கல்லூரியின் காது, மூக்கு, தொண்டை சிகிச்சைத் துறைத் தலைவா், நுண் உயிரித் துறைத் தலைவா், அரசு கண் மருத்துவமனை இயக்குநா் உள்ளிட்டோரும் அக்குழுவில் இடம்பெற்றுள்ளனா்.

    இக்குழுவினருடனான, ஆலோசனைக் கூட்டம் தலைமைச் செயலகத்தில் மக்கள் நல்வாழ்வுத்துறை அமைச்சா் மா.சுப்பிரமணியன், முதன்மைச் செயலா் ராதாகிருஷ்ணன் தலைமையில் வெள்ளிக்கிழமை நடைபெற்றது. கருப்புப் பூஞ்சை பாதிப்புக்குத் தீா்வு காண்பது தொடா்பாக அப்போது விரிவாக ஆலோசிக்கப்பட்டது.

    இதைத் தொடா்ந்து மருத்துவக் கல்வி இயக்குனா் நாராயணபாபு செய்தியாளா்களிடம் கூறியதாவது:

    தமிழகத்தில், கருப்புப் பூஞ்சை நோயால் 400 போ் பாதிக்கப்பட்டுள்ளனா். அதில் ஒருவா் உயிரிழந்துள்ளாா். அவரது இறப்புக்கும் கூட நுரையீரல் பாதிப்பே காரணம் எனக் கண்டறியப்பட்டுள்ளது.

    கருப்புப் பூஞ்சையை அறிவிக்கப்பட வேண்டிய நோய் என உத்தரவிடப்பட்டுள்ளது. இந்நோய்க்கு சிகிச்சை அளிக்க, அனைத்து அரசு மற்றும் தனியாா் மருத்துவமனைகளிலும், தனி வாா்டு அமைக்க உத்தரவிடப்பட்டுள்ளது. மேலும், மாவட்ட வாரியாக இதற்கெனெ ஒருங்கிணைப்பு அதிகாரியை நியமிக்கவும் அறிவுறுத்தப்பட்டுள்ளது.

    நிபுணா்களுடனான கூட்டத்தில் முதற்கட்டமாக மேற்கொள்ள வேண்டிய மருத்துவ சிகிச்சை வழிமுறைகள், தடுப்பு நடவடிக்கைகள் குறித்து ஆலோசிக்கப்பட்டது. இந்நோய், மூக்கு, கண், மூளையைப் பாதிக்கக் கூடியது என்பதால், சிகிச்சை முறைகள் குறித்து, அந்தந்த துறை நிபுணா்கள் கருத்து தெரிவித்தனா். இக்கூட்டத்தின் முதற்கட்ட வழிக்காட்டு நெறிமுறைகள், அரசுக்கு பரிந்துரைக்கப்பட்டுள்ளன. விரைவில், வழிக்காட்டு நெறிமுறைகளை அரசு வெளியிடும் என்றாா் அவா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp