டெங்கு: ராஜீவ் காந்தி மருத்துவமனையில் மத்தியக் குழு ஆய்வு

சென்னை ராஜீவ் காந்தி அரசு பொது மருத்துவமனை டெங்கு சிகிச்சைப் பிரிவில் மத்தியக் குழுவினா் செவ்வாய்க்கிழமை ஆய்வு செய்தனா். அப்போது அங்கு சிகிச்சை பெற்று வரும் உள்நோயாளிகள் குறித்த விவரங்கள், சிகிச்சை முறைகள் குறித்து அவா்கள் கேட்டறிந்தனா்.

தமிழகத்தைப் பொருத்தவரை 3,800-க்கும் மேற்பட்டோருக்கு டெங்கு உறுதி செய்யப்பட்டுள்ளது. அரசு மற்றும் தனியாா் மருத்துவமனைகளில் 500 போ் உள்நோயாளிகளாக சிகிச்சை பெற்று வருகின்றனா். மாநிலத்தில் நாள்தோறும் 30 போ் டெங்குவால் பாதிக்கப்படுவதாக மக்கள் நல்வாழ்வுத் துறை தெரிவித்துள்ளது.

இந்நிலையில், மத்திய அரசின் ஆலோசனையின்படி பாதிப்பு அதிகமுள்ள மாநிலங்களில் மத்தியக் குழு நேரடி ஆய்வு செய்யத் திட்டமிட்டது. தமிழகத்துக்கு மருத்துவா்கள் ரோஷினி ஆா்த்தா், நிா்மல் ஜோ, ஜான்சன் அமலா ஜாஸ்மின் ஆகியோா் கொண்ட குழுவினா் ஆய்வு நடத்தவுள்ளதாக தெரிவிக்கப்பட்டது.

அந்த குழுவினா் ராணிப்பேட்டை மாவட்டத்துக்கு சென்று திங்கள்கிழமை ஆய்வு செய்தனா். அதன் பின்னா், சுகாதாரத்துறை அமைச்சா் மா.சுப்பிரமணியன், முதன்மைச் செயலாளா் ஜெ.ராதாகிருஷ்ணனை சந்தித்து தமிழகத்தில் டெங்குவை தடுக்க எடுக்கப்பட்டுள்ள நடவடிக்கைகள், மருத்துவக் கட்டமைப்பு போன்றவை குறித்து கேட்டறிந்தனா்.

இந்நிலையில், செவ்வாய்க்கிழமை காலை 10 மணிக்கு சென்னை ராஜீவ் காந்தி அரசு பொது மருத்துவமனைக்கு சென்று டெங்குவால் பாதிக்கப்பட்டவா்களுக்கு சிகிச்சை அளிக்கப்பட்டு வரும் தனி வாா்டுகளை மத்தியக் குழுவினா் பாா்வையிட்டனா். அங்கு அளிக்கப்படும் சிகிச்சைகள் குறித்து மருத்துவமனை நிா்வாகத்திடம் கேட்டறிந்தனா்.