அப்துல் காலம் பிறந்தநாளில் இந்தியாவின் எதிரி என அவர் கருதிய வறுமையை ஒழிக்க உறுதியேற்போம் என்று முதல்வர் மு.க.ஸ்டாலின் கூறியுள்ளார்.
குடியரசு முன்னாள் தலைவர் டாக்டர் ஏபிஜே அப்துல் கலாமின் 90 ஆவது பிறந்தநாள் இன்று நாடு முழுவதும் கொண்டாடப்படுகிறது.
இதையும் படிக்க | கலாம் வழி நின்று அறவழி செல்வோம்: கமல்ஹாசன்
இதையொட்டி திமுக தலைவரும், தமிழக முதல்வருமான மு.க.ஸ்டாலின் சுட்டுரையில் வெளியிட்டுள்ள வாழ்த்து செய்தியில், ஏழ்மைக்குடும்பத்தில் பிறந்து, தனது படிப்பாலும் விடாமுயற்சியாலும் இந்தியாவின் ஏவுகணை நாயகன் எனப் பெயர்பெற்று; பின்னாளில் இந்தியக் குடியரசின் முதல் குடிமகனாகவும் உயர்ந்த அப்துல் கலாம் அவர்களின் பிறந்தநாளில், இந்தியாவின் எதிரி என அவர் கருதிய வறுமையை ஒழிக்க உறுதியேற்போம் என்று ஸ்டாலின் தெரிவித்துள்ளார்.