கும்மிடிப்பூண்டி: கும்மிடிப்பூண்டியில் அதிமுக பொன்விழாவையொட்டி பல்வேறு பகுதிகளில் அதிமுகவினர் கட்சிக் கொடியேற்றி பொதுமக்களுக்கு இனிப்புகள் வழங்கினர்.
அதிமுக பொன்விழாவையொட்டி கும்மிடிப்பூண்டி அடுத்த எளாவூரில் திருவள்ளூர் வடக்கு மாவட்ட அதிமுக சார்பில் மாவட்ட அம்மா பேரவை இணைச் செயலாளர் முல்லைவேந்தன் தலைமையில் கட்சிக் கொடியேற்றப்பட்டு பொதுமக்களுக்கு இனிப்புகள் வழங்கப்பட்டது.
நிகழ்வில் அதிமுக நிர்வாகிகள் டி.ஏழுமலை, சக்கரை, கே.குருமூர்த்தி, மனோஜ், வெங்கடேசன், சரவணன், சுதாகர், சத்யாசங்கர், கோபி கிருஷ்ணன், ரகு, புருஷோத்தமன், மகேந்திரன், வளையாபதி, ராகவன், அருள், அறிவழகன், பொன்னரசு, நேதாஜி உள்ளிட்டோர் பங்கேற்றனர்.
கும்மிடிப்பூண்டி நகர அதிமுக சார்பில் கோட்டக்கரை எம்ஜிஆர் சிலை முன்பு நடைபெற்ற அதிமுக பொன்விழா கொண்டாட்டத்திற்கு நகரச் செயலாளர் மு.சேகர் தலைமை தாங்கினார்.
நிகழ்வில் அவைத் தலைவர் கோவிந்தராஜன், திருவள்ளூர் வடக்கு மாவட்ட சிறுபான்மை நலப்பிரிவு மாவட்டச் செயலாளர் ஏ.சிராஜுதின், மாவட்ட தகவல் தொழில்நுட்ப அணிச் செயலாளர் இமயம் மனோஜ், ஓடை ராஜேந்திரன், எம்ஜிஆர் அணி துணைச் செயலாளர் எம்.கேசவன், கே.லட்சுமணன், கே.உதயகுமார், அமைப்பு சாரா தொழிலாளர் அணி மாவட்ட இணை செயலாளர் அப்துல்கறீம், பாசறை நகரச் செயலாளர் சரவணன், வரதன் உள்ளிட்டோர் முன்னிலை வகித்தனர்.
தொடர்ந்து அதிமுகவினர் கட்சி கொடியேற்றி எம்ஜிஆர் சிலைக்கு மாலை அணிவித்தும், மலர் தூவியும் மரியாதை செலுத்தி பொதுமக்களுக்கு இனிப்புகள் வழங்கினர்.
அவ்வாறே எகுமதுரையில் அதிமுக இளம்பெண் இளைஞர் பாசறை திருவள்ளூர் வடக்கு மாவட்ட செயலாளர் டி.சி.மகேந்திரன் தலைமையிலும், சிப்காட்டில் அதிமுக நிர்வாகி பக்கீர் முகம்மது தலைமையிலும் அதிமுக பொன்விழா கொண்டாடப்பட்டது.