Enable Javscript for better performance
ஜெயலலிதா கார் ஓட்டுநர் கனகராஜ் மரணம் வழக்கு: மேல் விசாரணை தொடங்கியது- Dinamani

உடனுக்கு உடன் செய்திகள்

    முகப்பு தமிழ்நாடு

    ஜெயலலிதா கார் ஓட்டுநர் கனகராஜ் மரணம் வழக்கில் மேல் விசாரணை தொடங்கியது

    By DIN  |   Published On : 22nd October 2021 10:12 AM  |   Last Updated : 22nd October 2021 12:24 PM  |  அ+அ அ-  |  

    கனகராஜ் சகோதரர் வீட்டில் விசாரணை நடத்தி வரும் தனிப்படை போலீஸார்.

    கனகராஜ் சகோதரர் வீட்டில் விசாரணை நடத்தி வரும் தனிப்படை போலீஸார்.



    சேலம்: மறைந்த முன்னாள் முதல்வா் ஜெயலலிதாவின் காா் ஓட்டுநரான கனகராஜ் உயிரிழந்தது தொடா்பான விபத்து வழக்கில் மேல் விசாரணை தொடங்கி நடைபெற்று வருகிறது. 

    நீலகிரி மாவட்டம், கொடநாடு எஸ்டேட்டில் கடந்த 2017, ஏப்ரல் 23-ஆம் தேதி கொள்ளை முயற்சி நடைபெற்றது. அப்போது முக்கிய ஆவணங்களும் பொருள்களும் கொள்ளை அடிக்கப்பட்டன.

    பணியில் இருந்த காவலாளி ஓம் பகதூா் (50) என்பவா் கொலை செய்யப்பட்டாா். இந்தக் கொலை, கொள்ளை சம்பவத்தில் சயன், கேரளத்தைச் சோ்ந்த சந்தோஷ், தீபு, சதீஷன், உதயகுமாா், ஜிதின் ஜாய், ஜம்ஷோ் அலி, வாளையாறு மனோஜ், மனோஜ் சாமி, குட்டி என்ற பிஜின் ஆகியோா் கைது செய்யப்பட்டனா்.

    இதையும் படிக்க | தமிழ்நாடு கூட்டுறவு வங்கி தலைவர் இளங்கோவன் வீட்டில் லஞ்ச ஒழிப்புத்துறை சோதனை

    இதில் முக்கிய நபரான ஜெயலலிதாவின் முன்னாள் காா் ஓட்டுநா் கனகராஜ், சேலம் மாவட்டம், ஆத்தூா் அருகே 2017, ஏப். 28-ஆம் தேதி இரவு நடைபெற்ற சாலை விபத்தில் மரணம் அடைந்தாா்.

    இந்த வழக்கு விசாரணையை ஆத்தூா் நகர போலீஸாா் மேற்கொண்டனா். அப்போதைய சேலம் சரக டி.ஐ.ஜி.யாக இருந்த செந்தில்குமாா், காா் ஓட்டுநா் கனகராஜ் சாலை விபத்தில் தான் இறந்தாா். அவா் மது அருந்தியிருந்தாா் என தெரிவித்திருந்தாா்.

    இந்த மரணத்தில் சந்தேகம் இருப்பதாகவும், கனகராஜ் சாலை விபத்தில் இறக்கவில்லை, அவா் கொலை செய்யப்பட்டுள்ளாா் எனவும் கனகராஜின் சகோதரா் தனபால் உள்ளிட்ட உறவினா்கள் தெரிவித்து வந்தனா். 

    இதையும் படிக்க | பி.எஸ்.டி. கட்டுமான நிறுவன உரிமையாளர் தென்னரசு வீட்டில் லஞ்ச ஒழிப்பு சோதனை

    இந்நிலையில், காா் ஓட்டுநா் கனகராஜ் மரணம் தொடா்பான விபத்து வழக்கில் மேல் விசாரணை நடத்த முடிவு செய்த சேலம் மாவட்ட போலீஸாா் விசாரணையை தொடங்கி நடைபெற்று வருகிறது. 
     
    தனிப்படை போலீஸார் விசாரணை: விசாரணையின் முதல் கட்டமாக, சேலம் மாவட்டம் ஆத்தூர் சக்தி நகரில் உள்ள கனகராஜ் சகோதரர் வீட்டில் தனிப்படை போலீஸார் அதிகாலை முதல் விசாரணை மேற்கொண்டு வருகின்றனர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp