தமிழகத்தில் ரூ.1,789 கோடி மதிப்பிலான கோயில் நிலங்கள் மீட்பு: அமைச்சா் தகவல்

தமிழகத்தில் 410 ஆக்கிரமிப்பாளா்களிடமிருந்து 1,789.2 கோடி மதிப்பிலான கோயில் நிலங்கள் மீட்கப்பட்டுள்ளதாக இந்து சமய அறநிலையத்துறை அமைச்சா் பி.கே.சேகா்பாபு தெரிவித்தாா்.
தமிழகத்தில் ரூ.1,789 கோடி மதிப்பிலான கோயில் நிலங்கள் மீட்பு: அமைச்சா் தகவல்

தமிழகத்தில் 410 ஆக்கிரமிப்பாளா்களிடமிருந்து 1,789.2 கோடி மதிப்பிலான கோயில் நிலங்கள் மீட்கப்பட்டுள்ளதாக இந்து சமய அறநிலையத்துறை அமைச்சா் பி.கே.சேகா்பாபு தெரிவித்தாா்.

சென்னை குயப்பேட்டை அருள்மிகு கந்தசாமி ஆதி மொட்டையம்மன் திருக்கோயில் மேம்பாடு குறித்து அமைச்சா் பி.கே.சேகா்பாபு சனிக்கிழமை ஆய்வு செய்தாா். இந்த ஆய்வின் போது திருக்கோயில் திருக்குளத்தை சீரமைக்கவும், புதிய நந்தவனம் அமைக்கவும் துறை அதிகாரிகளுக்கு அறிவுறுத்தினாா்.

இந்த ஆய்வுக்குப் பிறகு அமைச்சா் சேகா்பாபு செய்தியாளா்களிடம் கூறியது:

அருள்மிகு கந்தசாமி ஆதி மொட்டையம்மன் திருக்கோயில் திருக்குளத்தை சீரமைத்து, மழைநீா் குளத்திற்கு வரும் வழியினை மாநகராட்சி பணியாளா்களுடன் இணைந்து துறை பணியாளா்களும் செயல்பட அறிவுரை வழங்கப்பட்டுள்ளது. புதிதாக பொங்கல் வைக்கும் மண்டபம், புதிய நந்தவனம் கட்டப்படும். கோயில்களுக்கு சொந்தமான அருகில் உள்ள மீன்விற்பனை சந்தை அகற்றப்பட்ட இடத்தில் 40 கடைகள் நவீன முறையில் கட்டி தற்போது வியாபாரம் செய்யும் வியாபாரிகளுக்கு கடைகள் ஒதுக்கப்படும்.

இந்து சமய அறநிலையத்துறை மூலம் 342.38 ஏக்கா் நிலம், 317 கிரவுண்ட் மனை, 24.893 கிரவுண்ட் கட்டடம், 16.25 கிரவுண்ட் குளம் ஆகியவை, 410 ஆக்கிரமிப்பாளா்களிடமிருந்து மீட்கப்பட்டுள்ளது. இதன் மதிப்பு ரூ.1,789 கோடி ஆகும். கோயில் நில ஆக்கிரமிப்புகள் மீட்டெடுக்கும் பணி தொடரும்.

பக்தா்களின் நோ்த்திக்கடனை தீா்ப்பதற்கு திருக்கோயிலுக்கு சொந்தமான 65 தங்கத்தோ்கள், 45 வெள்ளித்தோ்கள் சனிக்கிழமை முதல் கோயில் உள்ளே வீதிஉலா வர அனுமதி வழங்கப்பட்டுள்ளது. சிலை கடத்தலை தடுக்கவும், ஏற்கனவே கடத்தப்பட்ட சிலைகள் மீட்கவும் நடவடிக்கைகளை மேற்கொண்டு வருகிறோம். ஓா் ஆண்டு இறுதியில் ஒட்டுமொத்தமாக எத்தனை சிலைகள் இது வரை கடத்தப்பட்டுள்ளது, எத்தனை மீட்கப்பட்டது என்ற விவரம் தெரிவிக்கப்படும் என்றாா் அவா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com