தமிழகத்தில் அனைத்துப் பள்ளி மாணவா்களுக்கும், ஆசிரியா்களுக்கும் சுழற்சி முறையில் கரோனா பரிசோதனை மேற்கொள்ளப்படும் என்று மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.
சென்னை சைதாப்பேட்டை ரெட்டிக்குப்பம் சாலை அரங்கநாதன் சுரங்கப்பாதை அருகில் ரூ.13 லட்சம் மதிப்பில் சாலையோர பூங்கா அமைக்கும் பணிகளை மருத்துவம் மற்றும் மக்கள் நல்வாழ்வுத்துறை அமைச்சா் மா.சுப்பிரமணியன் செவ்வாய்க்கிழமை தொடக்கி வைத்தாா். அப்போது அவா் செய்தியாளா்களிடம் கூறியதாவது:
எந்தெந்த பள்ளிகளில் மாணவா்கள் மற்றும் ஆசிரியா்களுக்கு தொற்று கண்டறியப்பட்டதோ, அந்த பள்ளிகளுக்கு சீல் வைத்து, சுகாதார பணிகள் மேற்கொள்ளப்பட்டு, மருத்துவ உதவிகள் செய்யப்பட்டு வருகின்றன. பள்ளிகளில் கரோனா பாதிப்பு பெரிய அளவில் இல்லை. ஆனாலும், அனைத்துப் பள்ளிகளிலும் மாணவா்கள் மற்றும் ஆசிரியா்களுக்கு சுழற்சி முறையில் தொடா்ந்து கரோனா பரிசோதனை மேற்கொள்ளப்படும்.
17-18 தடுப்பூசி செலுத்துவது தொடா்பாக மத்திய அரசு ஆலோசனை நடத்தி வருகிறது. அதுகுறித்து மத்திய அரசின் அனுமதி கிடைத்தவுடன், தமிழகத்தில் அத்திட்டம் செயல்படுத்தப்படும்.
போலி மருத்துவத்தையும், போலி மருத்துவா்களையும் தமிழகத்தில் அனுமதிக்க முடியாது. அவை கண்டுபிடிக்கப்பட்டால், சம்பந்தப்பட்டவா்கள் மீது கடுமையான நடவடிக்கை எடுக்கப்படும் என்றாா் அவா்.